കൊച്ചി: ഗള്‍ഫിലേക്ക് ആളുകളെ ജോലിക്കായി കയറ്റി വിടാമെന്ന് വാഗ്ദാനം നല്‍കി ആളുകളില്‍ നിന്ന് പാസ്‌പോര്‍ട്ടും പൈസയുമടക്കം വാങ്ങി കബളിപ്പിച്ചിരുന്ന ശൃംഖലയിലെ ഒരാള്‍ പൊലിസ് പിടിയിലായി. കളമശ്ശേരി, സുന്ദരഗിരി, എടപ്പറയില്‍ വീട്ടില്‍ ഷാരണ്‍ ആണ് ഷാഡോ പൊലിസിന്റെ പിടിയിലായത്.
ശൃംഖലയിലെ പ്രധാനിയും ഒളിവില്‍ കഴിയുകയും ചെയ്യുന്ന വര്‍ഗീസ് കെ ഡേവിഡിന്റെ സഹായിയാണിയാള്‍. ഏകദേശം അഞ്ചോളം പാസ്‌പോര്‍ട്ടുകളും മുദ്രപേപ്പറുകളും ചെക്ക് ലീഫുകളും ഇയാളുടെ കയ്യില്‍ നിന്നും പൊലിസ് കണ്ടെടുത്തു. ഹില്‍പ്പാലസ് പൊലിസ് കേസ് എടുത്ത് അന്വേഷണം ആരംഭിച്ചു.