തൃശൂര്‍: ചാലക്കുടി അതിരപ്പിള്ളിയില്‍ നിയന്ത്രണം വിട്ട കാര്‍ ഡിവൈഡറിലിടിച്ച് തീ പിടിച്ചു പരിക്കേറ്റു. കാറിനകത്തുണ്ടായിരുന്ന എട്ട് പേര്‍ക്കാണ് പരിക്കേറ്റത്. മണ്ണുത്തി പൊലിസ് സ്റ്റേഷനിലെ എസ്‌ഐ ജയേഷ്‌കുമാറും ബന്ധുക്കളും സഞ്ചരിച്ച കാറാണ് അപകടത്തില്‍പെട്ടത്. ആരുടേയും നില ഗുരുതരമല്ല.

ഞായര്‍ വൈകീട്ട് 7 മണിയോടെ അതിരപ്പിള്ളിക്ക് സമീപം സില്‍വര്‍ സ്റ്റോം വാട്ടര്‍ പാര്‍ക്കിന് മുന്നില്‍ വച്ചായിരുന്നു അപകടം. തൃശൂര്‍ സ്വദേശികളായ സംഘം രണ്ട് കാറുകളിലായാണ് അതിരപ്പിള്ളിയിലെത്തിയത്. തിരികെ വരുന്ന വഴി മുന്നിലുണ്ടായിരുന്ന മറ്റൊരു കാറിനെ മറികടക്കുന്നതിനിടെയാണ് ഡിവൈഡറില്‍ ഇടിച്ചത്. തുടര്‍ന്ന് കാറില്‍ നിന്നും പുക ഉയരുകയും ചെയ്തിരുന്നു. ഇതോടെ നാട്ടുകാരുടെ നേതൃത്വത്തില്‍ കാറിനകത്തുണ്ടായിരുന്നവരെ പുറത്തിറക്കുകയും ചെയ്തു.

 ALSO READ: ഭാര്യ കാമുകനുമായി ഒളിച്ചോടി; മനംനൊന്ത് ഭർത്താവ് 8 മാസം പ്രായമുള്ള കുഞ്ഞടക്കം 4 മക്കളെയുമെടുത്ത് പുഴയിൽച്ചാടി

അല്‍പ്പസമയത്തിന് ശേഷമാണ് കാറിന് തീപിടിച്ചത്. സില്‍വര്‍ സ്റ്റോമില്‍ നിന്നും ഫയര്‍ എക്സ്റ്റിങ്ഷര്‍ കൊണ്ടുവന്നാണ് പിന്നീട് തീയണച്ചത്. അപകടത്തില്‍ പരിക്കേറ്റ തൃശൂര്‍ കോട്ടപ്പുറം കിഴുവീട്ടില്‍ ജയേഷ്‌കുമാര്‍(53) ഭാര്യ അജിതകുമാരി(45), മകള്‍ കാജല്‍(18), മണ്ണത്ത് കൃഷ്ണന്‍കുട്ടി ഭാര്യ കുമാരി(65), കൂര്‍ക്കഞ്ചേരി നെടുമ്പുഴ കോഴിപ്പിള്ളി വീട്ടില്‍ രദു മകള്‍ കൃതിക(8), പുറനാട്ടുകാര മണ്ണത്ത് വീട്ടില്‍ രമേഷ്(43), ഭാര്യ വര്‍ഷ(31) മകള്‍ അലംകൃത(10) എന്നിവരെ ചാലക്കുടി സെന്റ് ജെയിംസ് ആശുപത്രിയിലും കറുകുറ്റി അപ്പോളോ അഡ്‌ലക്‌സ് ആശുപത്രികളിലുമായി പ്രവേശിപ്പിച്ചി
ട്ടുണ്ട്.

A car carrying eight people, including SI Jayesh Kumar of Mannuthy Police Station, crashed into a road divider and caught fire near Athirappilly, Thrissur. The incident occurred around 7 PM on Sunday in front of Silver Storm Water Park. Fortunately, none of the injuries are reported to be serious.

The accident happened when the vehicle attempted to overtake another car on the way back from Athirappilly and lost control, hitting the divider. Smoke began to rise from the car after the impact, prompting local residents to rescue the passengers trapped inside.