ന്യൂയോർക്ക്: 2025 പ്രഥമ ഇ മലയാളി പുരസ്‌കാരം പ്രശസ്ത സാഹിത്യകാരൻ മേതിൽ രാധാകൃഷ്ണന്. ഒരു ലക്ഷം രൂപയും ഫലകവും ആണ് മേതിൽ രാധാകൃഷ്ണന് ലഭിക്കുക. ചിന്തകനും എഴുത്തുകാരണയുമായ കെ വേണു ക്യാഷ് അവാർഡ് രാധാകൃഷ്ണന് സമ്മാനിക്കും. ഫലകം സാഹിത്യ അക്കാദമി ചെയർമാൻ കെ സച്ചിദാനന്ദനും കൈമാറും.

ഒക്ടോബർ 19ന് തൃശൂർ പ്രസ് ക്ലബ്ബിൽ നടക്കുന്ന ചടങ്ങിൽ സമ്മാനം നൽകുമെന്ന് ഇ മലയാളി എഡിറ്റർ ജോർജ് ജോസഫ് ന്യൂയോർക്കിൽ അറിയിച്ചു. ശാസ്ത്രത്തെ സാഹിത്യത്തോട് അടുപ്പിച്ച ലേഖനങ്ങളും നിർമ്മിത ബുദ്ധി വിഷയമാക്കികൊണ്ട് പ്രസിദ്ധീകരിക്കപ്പെട്ട ദൈവം, മനുഷ്യൻ, യന്ത്രം എന്ന കൃതിക്കാണ് അവാർഡ് ലഭിച്ചത്. 1996ലാണ് ഈ കൃതി പ്രസിദ്ധീകരിക്കപ്പെട്ടത്.