കുവൈത്ത് സിറ്റി: സ്വകാര്യമേഖലയിലെ തൊഴിലുടമകള്‍ക്കുള്ള നടപടിക്രമങ്ങള്‍ ലളിതമാക്കുന്നതിനും സേവനങ്ങള്‍ മെച്ചപ്പെടുത്തുന്നതിനുമുള്ള ശ്രമങ്ങളുടെ ഭാഗമായി നിരവധി സാമ്പത്തിക ഗ്യാരണ്ടികള്‍ കുവൈത്ത് റദ്ദാക്കി. ക്ലീനിംഗ്, സെക്യൂരിറ്റി, ഹാന്‍ഡിലിംഗ് തുടങ്ങിയ സേവന വിഭാഗങ്ങള്‍ക്കായി നല്‍കേണ്ടിയിരുന്ന സാമ്പത്തിക ഗ്യാരണ്ടികള്‍ പൂര്‍ണ്ണമായും നിര്‍ത്തലാക്കിയിട്ടുണ്ട്. ജോലിക്ക് ഹാജരാകാത്ത ജീവനക്കാര്‍ക്ക് അനുവദിച്ച വര്‍ക്ക് പെര്‍മിറ്റുകളുമായി ബന്ധപ്പെട്ട സാമ്പത്തിക ഗ്യാരണ്ടികളും ജിസിസി രാജ്യങ്ങളിലെ പൗരന്മാര്‍ക്ക് വാണിജ്യ ലൈസന്‍സുകള്‍ അനുവദിക്കുന്നതുമായി ബന്ധപ്പെട്ട സാമ്പത്തിക ഗ്യാരണ്ടികളും റദ്ദാക്കിയ കൂട്ടത്തില്‍ ഉള്‍പ്പെടും. 

അന്തിമ ജുഡീഷ്യല്‍ വിധികള്‍ പുറപ്പെടുവിച്ച തൊഴിലാളികളുടെ വര്‍ക്ക് പെര്‍മിറ്റ് ഗ്യാരണ്ടികളും റദ്ദാക്കിയതായും പബ്ലിക് അതോറിറ്റി ഫോര്‍ മാന്‍പവര്‍ ഇറക്കിയ അഡ്മിനിസ്‌ട്രേറ്റീവ് റെസല്യൂഷന്‍ (2025ലെ 1377ാം നമ്പര്‍) കുറിപ്പില്‍ പറയുന്നു.

കുവൈത്തിലെ ബിസിനസ് അന്തരീക്ഷം മെച്ചപ്പെടുത്തുന്നതിനും നിക്ഷേപകര്‍ക്ക് കൂടുതല്‍ സൗകര്യങ്ങള്‍ ഒരുക്കുന്നതിനും ലക്ഷ്യമിട്ടുള്ള വിപുലമായ നയങ്ങളുടെ ഭാഗമായാണ് പുതിയ തീരുമാനമെന്ന് പബ്ലിക് അതോറിറ്റി അറിയിച്ചു. 

കുവൈത്തിന്റെ സ്വകാര്യ മേഖലയില്‍ പ്രവര്‍ത്തിക്കുന്ന ആയിരക്കണക്കിന് കമ്പനികള്‍ക്കും തൊഴിലുടമകള്‍ക്കും ഇത് കാര്യമായ ആശ്വാസമാകും. ബ്യൂറോക്രാറ്റിക് ആവശ്യകതകള്‍ കുറയ്ക്കുന്നതിലൂടെയും സ്വകാര്യമേഖലയെ കൂടുതല്‍ പിന്തുണയ്ക്കുന്ന ചട്ടക്കൂട് സൃഷ്ടിക്കുന്നതിലൂടെയും നിക്ഷേപം പ്രോത്സാഹിപ്പിക്കാനും ഇത് ലക്ഷ്യമിടുന്നു.

ALSO READ: സൗദി: ഖിബ്‌ലതൈന്‍ മസ്ജിദ് 24 മണിക്കൂറും തുറന്നുകിടക്കും; വിശ്വാസികള്‍ക്ക് ഏത് സമയത്തും ആരാധന നിര്‍വഹിക്കാം

The Public Authority for Manpower (PAM) has announced the cancellation of several financial guarantees as part of its ongoing efforts to streamline procedures and enhance services for employers. This initiative is being implemented in accordance with the provisions of Administrative Resolution No. 1377 of 2025.