ഓസ്‌ട്രേലിയക്കെതിരായ പരമ്പരക്കുള്ള ഇന്ത്യൻ ടീമിനെ കഴിഞ്ഞ ദിവസങ്ങളിലാണ് പ്രഖ്യാപിച്ചത്. ഒക്ടോബർ 19നാണ് ഓസ്ട്രേലിയക്കെതിരായ ഏകദിന മത്സരങ്ങളാരംഭിക്കുന്നത്. മൂന്ന് മത്സരങ്ങളാണ് പരമ്പരയിലുള്ളത്. രോഹിത് ശർമയെ ക്യാപ്റ്റൻ സ്ഥാനത്തു നിന്നും ഒഴിവാക്കി ശുഭ്മാൻ ഗില്ലിനെ ക്യാപ്റ്റനാക്കിയാണ് ഇന്ത്യ ഏകദിന ടീം പ്രഖ്യാപിച്ചത്. ഇപ്പോൾ ഇന്ത്യൻ ക്രിക്കറ്റ് ടീമിന്റെ ഗില്ലിനെ ക്യാപ്റ്റനാക്കാനുള്ള ഈ തീരുമാനത്തെക്കുറിച്ച് സംസാരിച്ചിരിക്കുകയാണ് മുൻ ഇന്ത്യൻ താരം റോബിൻ ഉത്തപ്പ. തന്റെ യുട്യൂബ് ചാനലിൽ സംസാരിക്കുകയായിരുന്നു ഉത്തപ്പ. 

''ലോകകപ്പ് വരുമ്പോൾ രോഹിത്തിന് 41 വയസ്സാവും. അപ്പോൾ നിങ്ങൾ ഈ കാര്യവും പരിഗണിക്കണം. അപകടകരമായ സാധ്യതകൾ കൂടുതൽ ആവുമ്പോൾ തീരുമാനം എടുക്കുന്നതിന് പകരം അപകട സാധ്യതകൾ കുറവ് ആവുമ്പോൾ തീരുമാനം എടുക്കുന്നതാണെന്ന് ഞാൻ കരുതുന്നു. ഓസ്‌ട്രേലിയൻ പരമ്പരയിൽ ഈ കാര്യം സംഭവിച്ചത് ഒരു മികച്ച സാഹചര്യമായി കാണുന്നു. അദ്ദേഹം സ്വയം ഫിറ്റ്നസ് നിലനിർത്തുകയാണെങ്കിൽ ലോകകപ്പിൽ ഉണ്ടാവും. അത് ഉറപ്പാണെകിൽ ഇതിൽ ഒരു ചോദ്യങ്ങളുമില്ല. വിരാടും രോഹിത്തും അവിടെ ഉണ്ടാവുമെന്ന് ഉറപ്പാണ്'' മുൻ ഇന്ത്യൻ താരം പറഞ്ഞു. 

2021 ഡിസംബർ മുതൽ രോഹിത് ശർമ ഇന്ത്യയുടെ ഏകദിന ക്യാപ്റ്റനായിരുന്നു. അദ്ദേഹം 56 ഏകദിന മത്സരങ്ങളിൽ ടീമിനെ നയിച്ചു, അതിൽ 42 എണ്ണത്തിൽ വിജയം നേടി, 12 മത്സരങ്ങളിൽ പരാജയപ്പെട്ടു, ഒരു മത്സരം ടൈയിലും മറ്റൊന്ന് ഫലമില്ലാതെയും അവസാനിച്ചു.

താൽക്കാലിക ക്യാപ്റ്റനായി 2018-ലെ ഏഷ്യാ കപ്പിൽ ഇന്ത്യയെ കിരീടത്തിലേക്ക് നയിച്ച അദ്ദേഹം, പിന്നീട് പൂർണസമയ ക്യാപ്റ്റനായി 2023-ലെ ഏഷ്യാ കപ്പും നേടി. രോഹിതിന്റെ നേതൃത്വത്തിൽ ഇന്ത്യ 2023 ഏകദിന ലോകകപ്പ് ഫൈനലിൽ എത്തി. കൂടാതെ, ചാമ്പ്യൻസ് ട്രോഫി വിജയവും അദ്ദേഹത്തിന്റെ ക്യാപ്റ്റൻസിയിൽ ഇന്ത്യ സ്വന്തമാക്കി.

The Indian team for the series against Australia was announced yesterday. The Indian ODI team was announced with Rohit Sharma removed from the captaincy and Shubman Gill appointed as the captain. Now, former Indian player Robin Uthappa has spoken about this decision to make Gill the captain of the Indian cricket team.