കോട്ടയം: പ്ലാസ്റ്റിക് കുപ്പികള്‍ നീക്കം ചെയ്യാത്തതില്‍ നടപടി നേരിട്ട കെ.എസ്.ആര്‍.ടി.സി ഡ്രൈവര്‍ ബസ് ഓടിച്ചു കൊണ്ടിരിക്കെ കുഴഞ്ഞുവീണു. പൊന്‍കുന്നം കെ.എസ്.ആര്‍.ടി.സി ഡിപ്പോയിലെ ഡ്രൈവറായ ജയ് മോന്‍ ജോസഫാണ് ബസ് ഓടിച്ചു കൊണ്ടിരിക്കെ കുഴഞ്ഞു വീണത്. 

കാഞ്ഞിരപ്പള്ളി പൂതക്കുഴിയില്‍ വച്ചാണ് സംഭവം.സ്ഥലമാറ്റം സംബന്ധിച്ച ഉത്തരവ് ഫോണിലൂടെ അറിഞ്ഞയുടനെ ദേഹാസ്വാസ്ഥ്യം അനുഭവപ്പെടുകയായിരുന്നു എന്ന് ജയ്‌മോന്‍ പറഞ്ഞു.

ALSO READ: ശബരിമല സ്വർണപ്പാളി വിഷയത്തിൽ 'ഉടക്കി' നിയമസഭ; ശക്തമായ പ്രതിപക്ഷ പ്രതിഷേധം, ചോദ്യോത്തര വേള റദ്ദ് ചെയ്ത് സ്പീക്കർ, മന്ത്രിമാർക്ക് കൂവൽ
 
ബസിന്റെ മുന്നില്‍ കൂട്ടിയിട്ടിരിക്കുന്ന പ്ലാസ്റ്റിക് കുപ്പികള്‍ ശ്രദ്ധയില്‍ പെട്ടതോടെയാണ് ഗതാഗത മന്ത്രി കെ.ബി. ഗണേഷ് കുമാര്‍ ബസ് തടഞ്ഞുനിര്‍ത്തി പരിശോധന നടത്തിയത്. കഴിഞ്ഞ ദിവസം കൊല്ലം ആയൂരില്‍  വെച്ചായിരുന്നു സംഭവം. മന്ത്രി തന്നെ നേരിട്ട് മൂന്ന് പേര്‍ക്കെതിരെ നടപടി സ്വീകരിക്കാന്‍ നിര്‍ദ്ദേശം നല്‍കുകയായിരുന്നു. തുടര്‍ന്ന് ഇവരെ സ്ഥലംമാറ്റി ഉത്തരവായിരുന്നു. പുതുക്കാട് ഡിപ്പോയിലേക്കാണ് ജയ്‌മോനെ സ്ഥലം മാറ്റിയത്. ഇതിനു പിന്നാലെയാണ് ജയ്‌മോന് ദേഹാസ്വാസ്ഥ്യമുണ്ടായത്. 

പ്രമേഹത്തിനും രക്തസമ്മര്‍ദ്ദത്തിനും മരുന്ന് കഴിക്കുന്നയാളാണ് താനെന്നും ഇതിനായി കുടിവെള്ളം കരുതിയിരുന്ന കുപ്പികളാണ് ബസിന് മുന്നില്‍ സൂക്ഷിച്ചിരുന്നതെന്നും ജയ്‌മോന്‍ പറഞ്ഞു. 

English Summary: A KSRTC driver from Ponkunnam depot, Jaymon Joseph, collapsed while driving his bus through Puthukuzhi near Kanjirappally, shortly after learning about his transfer. The action was taken after Transport Minister K.B. Ganesh Kumar noticed plastic water bottles at the front of the bus during a surprise inspection in Ayoor, Kollam.