സ്റ്റോക്ക്‌ഹോം: ഭൗതിക ശാസ്ത്ര നൊബേല്‍ മൂന്നുപേര്‍ക്ക്. ജോണ്‍ ക്ലാര്‍ക്ക്, മിഷേല്‍ എച്ച്. ഡെവോറെക്, ജോണ്‍ എം. മാര്‍ട്ടിനീസ് എന്നിവര്‍ക്കാണ് പുരസ്‌കാരം ലഭിച്ചത്. ക്വാണ്ടം മെക്കാനിക്‌സിലെ ഗവേഷണത്തിനാണ് പുരസ്‌കാരം. മൂവരും കാലിഫോര്‍ണിയ സര്‍വകലാശാലയുടെ ഭാഗമായിരുന്നപ്പോള്‍ നടത്തിയ ഗവേഷണത്തിനാണ് അംഗീകാരം. 

ALSO READ: വൈദ്യശാസ്ത്ര നൊബേല്‍ 3 പേര്‍ക്ക്; പുരസ്‌കാരം രോഗപ്രതിരോധശേഷിയുമായി ബന്ധപ്പെട്ട കണ്ടെത്തലിന്

രസതന്ത്ര നൊബേല്‍ ബുധനാഴ്ച പ്രഖ്യാപിക്കും. വ്യാഴാഴ്ച സാഹിത്യനോബേലും പത്താംതീയതി സമാധാന നൊബേലും പ്രഖ്യാപിക്കും. ഒക്ടോബര്‍ പതിമൂന്നിനാണ് സാമ്പത്തിക ശാസ്ത്ര നോബേല്‍ പ്രഖ്യാപനം. 

അമേരിക്കന്‍ ഗവേഷകരായ മേരി ഇ. ബ്രങ്കോവ്, ഫ്രെഡ് റാംസ്‌ഡെല്‍, ജാപ്പനീസ് ഗവേഷകന്‍ ഷിമോണ്‍ സകാഗുച്ചി എന്നിവര്‍ക്കായിരുന്നു 2025ലെ വൈദ്യശാസ്ത്ര നൊബേല്‍.