ന്യൂഡൽഹി: ഇന്ത്യൻ റെയിൽവേയുടെ പുതിയ തീരുമാനം യാത്രക്കാർക്ക് വലിയ ആശ്വാസമാകുന്നു. കൺഫേം ചെയ്ത ട്രെയിൻ ടിക്കറ്റുകളുടെ യാത്രാ തീയതി ഇനി മുതൽ ഫീസ് കൂടാതെ ഓൺലൈനായി മാറ്റാം. അടുത്ത വർഷം ജനുവരിയിൽ തന്നെ ഈ നയം പ്രാബല്യത്തിൽ വരുമെന്ന് കേന്ദ്ര റെയിൽവേ മന്ത്രി അശ്വിനി വൈഷ്ണവ് അറിയിച്ചു.

ALSO READ: ആശുപത്രിയിൽ വരുന്നവരെ ഇനി രോഗി എന്ന് വിളിക്കരുത് പകരം 'മെഡിക്കൽ ഗുണഭോക്താക്കൾ': ഉത്തരവിറക്കി തമിഴ്നാട് സർക്കാർ

നിലവിൽ, യാത്രാ തീയതി മാറ്റുന്നതിന് ടിക്കറ്റ് റദ്ദാക്കി പുതിയ ടിക്കറ്റ് ബുക്ക് ചെയ്യേണ്ട സ്ഥിതിയാണ്. ഇതിന് റദ്ദാക്കൽ സമയം അനുസരിച്ച് വലിയ തുകയാണ് പിഴയായി ഈടാക്കിയിരുന്നത്. ഇത് യാത്രക്കാർക്കിടയിൽ ​ഗണ്യമായ സാമ്പത്തിക ബുദ്ധിമുട്ടാണ് വരുത്തിയിരുന്നത്. ഈ സമ്പ്രദായം യാത്രക്കാർക്ക് അന്യായമാണ് എന്നും അവരുടെ താൽപ്പര്യങ്ങൾക്ക് വിരുദ്ധമായ ഈ രീതി മാറ്റാൻ ഞങ്ങൾ തീരുമാനിച്ചിരിക്കുന്നതായും മന്ത്രി എൻഡിടിവിയോട് പറഞ്ഞു.

ALSO READ: റോൾസ് റോയ്സിന് പിന്നാലെ 3.2 കോടിയുടെ കാറും വാടകയ്ക്ക് നൽകി ​ബെം​ഗളൂരുവിലെ ബാർബർ 

പുതിയ നയത്തിന്റെ പ്രധാന സവിശേഷതകൾ

ഫീസില്ലാ തീയതി മാറ്റം: കൺഫേം ടിക്കറ്റുകളുടെ യാത്രാ തീയതി ഓൺലൈനായി ഫീസ് കൂടാതെ മാറ്റാം.

സീറ്റ് ലഭ്യത: പുതിയ തീയതിയിൽ സീറ്റ് ലഭ്യതയെ ആശ്രയിച്ചായിരിക്കും കൺഫേം ടിക്കറ്റ് ലഭിക്കുക. ഇതിന് ഗ്യാരണ്ടി ഉണ്ടായിരിക്കില്ല.

നിരക്ക് വ്യത്യാസം: പുതിയ ടിക്കറ്റിന് കൂടുതൽ നിരക്കുണ്ടെങ്കിൽ, ആ തുക യാത്രക്കാർ നൽകേണ്ടിവരും.

ALSO READ: വിപണിയിലെത്തിയിട്ട് ഒരു വർഷം: 1 ലക്ഷം യൂണിറ്റ് വിൽപ്പന എന്ന നേട്ടം കൈവരിച്ച് ഏഥർ റിസ്ത: എന്തുകൊണ്ട് ഈ ഇലക്ട്രിക് സ്കൂട്ടർ വാങ്ങണം

ട്രെയിൻ പുറപ്പെടുന്നതിന് 48 മുതൽ 12 മണിക്കൂർ മുമ്പ് വരെ ടിക്കറ്റ് റദ്ദാക്കിയാൽ യാത്രാക്കൂലിയുടെ 25 ശതമാനം പിഴയാണ് ഉതുവരെ ഈടാക്കുന്നത്. 12 മുതൽ 4 മണിക്കൂർ മുമ്പുള്ള റദ്ദാക്കലുകൾക്ക് റെയിൽവേ ഇപ്പോൾ ഈടാക്കുന്ന പിഴ കൂടുതലാണ്. റിസർവേഷൻ ചാർട്ട് തയ്യാറായ ശേഷം റദ്ദാക്കുന്ന ടിക്കറ്റുകൾക്ക് സാധാരണയായി റീഫണ്ട് ലഭിക്കാറില്ല.

അപ്രതീക്ഷിതമായി യാത്രാ പദ്ധതികളിൽ മാറ്റം വരുമ്പോൾ ടിക്കറ്റുകൾ ഉപയോഗശൂന്യമാകുന്നത് യാത്രക്കാർക്ക് വലിയ തലവേദനയാണ്. കനത്ത റദ്ദാക്കൽ ഫീസ് മൂലം ലക്ഷക്കണക്കിന് യാത്രക്കാരാണ് ബുദ്ധിമുട്ട് അനുഭവിക്കുന്നത്. പുതിയ നയം ഈ പ്രശ്നങ്ങൾക്ക് പരിഹാരമാകുമെന്നാണ് പ്രതീക്ഷ.

Indian Railways has announced a new policy allowing passengers to change the travel date of confirmed train tickets online without any fee, starting January 2026. This move aims to ease the burden of costly cancellations and provide flexibility for travelers. However, seat availability for the new date is not guaranteed, and any fare difference must be paid.