മലപ്പുറം: സൗകര്യങ്ങളില്ലാതെ വീര്‍പ്പുമുട്ടി മലപ്പുറം ആര്‍ടി ഓഫിസ്. ലേണിങ് ടെസ്റ്റിനും മറ്റു ആവശ്യങ്ങള്‍ക്കുമായി എത്തുന്നവര്‍ കാത്തിരിക്കേണ്ടതോ മണിക്കൂറുകളോളം. കംപ്യൂട്ടറുകളും മറ്റു സൗകര്യങ്ങളും ഇല്ലാത്തതാണ് ഈ ദുരിതത്തിനു കാരണം. ലേണിങ് ടെസ്റ്റുകള്‍ പലപ്പോഴും രാത്രി വരെ നീളുന്നതായും പരാതിയുണ്ട്.

ലേണിങ് ടെസ്റ്റിനും മറ്റുമായി രാവിലെ തന്നെ എത്തുന്ന സ്ത്രീകള്‍ ഉള്‍പ്പെടെയുള്ളവര്‍ മണിക്കൂറുകളോളം കാത്തിരിക്കേണ്ടിവരുകയാണ്. കൃത്യമായി കംപ്യൂട്ടറുകള്‍ ഇല്ലാത്തതും സെക്യൂരിറ്റി ഫീച്ചറുമായി ബന്ധപ്പെട്ട് എന്‍ഐസി സോഫ്റ്റ് വെയറില്‍വരുത്തിയ മാറ്റങ്ങളുമാണ് പ്രയാസങ്ങള്‍ സൃഷ്ടിക്കാനുള്ള കാരണം.

ALSO READ: ചുമമരുന്നിൽ മരണം; ഉസ്‌ബക്കിനും ഗാംബിയയിലേതിനും സമാനം; അന്നും കുടുങ്ങിയത് ഇന്ത്യൻ കമ്പനികൾ

സിസ്റ്റം തകരാറില്‍ ആവുന്നതോടെ പലപ്പോഴും ഉദ്യോഗസ്ഥര്‍ സ്വന്തം കംപ്യൂട്ടറുകളാണ് ഉദ്യോഗാര്‍ഥികള്‍ക്കു നല്‍കുന്നത്. മണിക്കൂറുകളോളം കാത്തിരിക്കുന്നവര്‍ക്ക് കുടിവെള്ള സൗകര്യമോ ടോയ്‌ലറ്റ് സംവിധാനമോ ഇല്ലെന്നതാണ് ഉദ്യോഗസ്ഥരുടെയും മറ്റുള്ളവരുടെയും പരാതി. ജില്ല ആര്‍ടി ഓഫീസ് കൂടിയായ മലപ്പുറത്ത് കൂടുതല്‍ സൗകര്യങ്ങള്‍ ഒരുക്കണമെന്ന ആവശ്യം ശക്തമാണ്

The Malappuram RTO office is facing severe issues due to inadequate infrastructure and a shortage of computers, causing major inconvenience to the public. People, including women arriving early for learning tests and other services, are forced to wait for hours — often till night — due to delays.

One of the main reasons for the delays is the lack of sufficient computers and recent changes made to the NIC software related to security features. Frequent system failures have led officials to sometimes use their personal computers to manage the workload.

.