ഗസ്സ: വെടിനിര്‍ത്തല്‍ കരാര്‍ അംഗീകരിച്ചെന്ന് പ്രഖ്യാപിച്ച ശേഷവും ഗസ്സയില്‍ ആക്രമണം തുടരുകയാണ് ഇസ്‌റാഈല്‍. തെക്കന്‍ ഗസ്സയിലെ ഖാന്‍ യൂനിസിലും പടിഞ്ഞാറന്‍ ഗസ്സയിലും ഇസ്‌റാഈല്‍ ആക്രമണം നടത്തി. അല്‍ശാത്തി അഭയാര്‍ഥി ക്യാംപിലെ ആളുകള്‍ താമസിക്കുന്ന കെട്ടിടത്തിന് നേരെയാണ് ആക്രമണമുണ്ടായത്.  ഗസ്സ സിവില്‍ ഡിഫന്‍സാണ് മുനമ്പില്‍ ആക്രമണങ്ങള്‍ നടക്കുന്ന വിവരം അറിയിച്ചത്. 

വെടിനിര്‍ത്തല്‍ കരാറിന് ശേഷവും ഇസ്‌റാഈല്‍ വലിയ രീതിയില്‍ ഗസ്സയില്‍ ആക്രമണങ്ങള്‍ നടത്തിയെന്ന് മുഹമ്മദ് അല്‍-മുഗായ്യിര്‍ ചൂണ്ടിക്കാട്ടി. ഇസ്‌റാഈലിന്റെ ഭാഗത്തു നിന്ന്  വ്യോമാക്രമണങ്ങളും ഉണ്ടായതായും അദ്ദേഹം വ്യക്തമാക്കി. 

അതിനിടെ വെസ്റ്റ്ബാങ്കിലും ഇസ്‌റാഈല്‍ അതിക്രമം തുടരുകയാണ്. ഇവിടെ സൈന്യം നടത്തിയ റെയ്ഡില്‍ ഒമ്പത് ഫലസ്തീനികളെ അറസ്റ്റ് ചെയ്തതായി അല്‍ജസീറ റിപ്പോര്‍ട്ട് ചെയ്യുന്നു. 

ALSO READ: അല്ലാഹു അക്ബര്‍....ഗസ്സന്‍ തെരുവുകളില്‍ മുഴങ്ങി ആഹ്ലാദത്തിന്റെ തക്ബീറൊലി

കഴിഞ്ഞ ദിവസമാണ് ഹമാസും ഇസ്‌റാഈലും ഗസ്സ വെടിനിര്‍ത്തല്‍ കരാറിന്റെ ആദ്യഘട്ടത്തിന് അംഗീകാരം നല്‍കിയത്. ഈജിപ്തിലെ കെയ്‌റോവില്‍ നടന്ന ചര്‍ച്ചകള്‍ക്കൊടുവിലാണ് ഇക്കാര്യത്തില്‍ ധാരണയായത്. ഗസ്സ വെടിനിര്‍ത്തല്‍ കരാറിന്റെ ആദ്യ ഘട്ടത്തില്‍ ഇസ്റാഈലും ഹമാസും ധാരണയിലെത്തിയതായി അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. സോഷ്യല്‍മീഡിയയിലൂടെയാണ് അറിയിച്ചത്.വെടിനിര്‍ത്തല്‍ പദ്ധതിയുടെ ആദ്യ ഘട്ടത്തിലെ എല്ലാ വ്യവസ്ഥകളും നടപ്പാക്കുന്നത് സംബന്ധിച്ച് ഇരൂകൂട്ടരും ധാരണയിലെത്തിയതായാണ് ട്രംപ് അറിയിച്ചത്.

Breaking | Israeli aircrafts bomb a residential house in Al-Shati refugee camp, west of Gaza City. pic.twitter.com/akR8P2MxvY

— Quds News Network (@QudsNen) October 9, 2025

ഇതുപ്രകാരം 24 മണിക്കൂറിനുള്ളില്‍ ഇസ്‌റാഈല്‍ അധിനിവേശ സൈന്യം ഗസ്സയില്‍നിന്ന് പിന്‍മാറും. തങ്ങളുടെ കൈവശമുള്ള ബന്ദികളെ ഹമാസും പകരമായി തടവിലുള്ള ഫലസ്തീനികളെ ഇസ്‌റാഈലും മോചിപ്പിക്കും. 48 ബന്ദികളാണ് ഹമാസിന്റെ കൈവശം ഇനിയുള്ളത്. ഇതില്‍ 20 പേരാണ് ജീവനോടെയുള്ളതെന്നും റിപ്പോര്‍ട്ടുകള്‍ പറയുന്നു. ഈ 20 പേരേയും മറ്റുള്ളവരുടെ മൃതദേഹങ്ങളുമാണ് ഹമാസ് കൈമാറുക. പകരം 2000ത്തോളം ഫലസ്തീന്‍ തടവുകാരെയാണ് ഇസ്റാഈല്‍ വിട്ടയക്കുകയെന്നും റിപ്പോര്‍ട്ടുകള്‍ വ്യക്തമാക്കുന്നു.

despite agreeing to a ceasefire, israel launched fresh attacks on gaza. meanwhile, israeli forces arrested 9 palestinians in the occupied west bank, raising tensions in the region.