ദുബൈ: ഏറെ പ്രശസ്തമായ ജൈടെക്സ് ​ഗ്ലോബൽ‌ ‌ന്റെ 45ാം പതിപ്പ് 2025 ഇന്ന് ആരംഭിച്ചു. ലോകത്തിലെ ഏറ്റവും വലിയ സാങ്കേതികവിദ്യയും സ്റ്റാർട്ടപ്പ് ഇവന്റാണ് ജിറ്റെക്സ്. യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് ആൽ മക്തൂം മേള സന്ദർശിച്ചു.

2025 ഒക്ടോബർ 13 മുതൽ 17 വരെ ദുബൈ വേൾഡ് ട്രേഡ് സെന്ററിലാണ് ജിറ്റെക്സ് ഗ്ലോബൽ 2025 നടക്കുന്നത്. 6,500-ലധികം പ്രദർശകരെയും, 1,800 സ്റ്റാർട്ടപ്പുകളയും, 1,200 നിക്ഷേപകരെയും, 180-ലധികം രാജ്യങ്ങളിൽ നിന്നുള്ള സർക്കാരുകളെയും ഈ പരിപാടിയിലേക്ക് സ്വാ​ഗതം ചെയ്തു. 

ALSO READ: മഴയൊക്കെയല്ലേ.......യുഎഇയിൽ വാഹനമോടിക്കുമ്പോൾ ഇക്കാര്യങ്ങൾ അറിയുന്നത് നല്ലതാ; ഫൈനടക്കേണ്ടി വരില്ല

അതേസമയം, ജൈടെക്സ് ​ഗ്ലോബൽ‌ 2025-ലേക്കുള്ള നിങ്ങളുടെ യാത്ര കൂടുതൽ സുഗമവും സമ്മർദ്ദരഹിതവുമാക്കാൻ ഒരു എളുപ്പ വഴിയുണ്ട്, എന്താണെന്നല്ലേ? സംഭവം സസിംപിളാണ്. നിങ്ങളുടെ സ്വന്തം വാഹനത്തിൽ എക്സിബിഷനിലേക്ക് പോകുന്നതിന് പകരം ദുബൈ മെട്രോ തെരഞ്ഞെടുക്കുക. ഇതുവഴി, ഗതാഗതക്കുരുക്കും ചെലവേറിയ പാർക്കിംഗും ഒഴിവാക്കി, വേൾഡ് ട്രേഡ് സെന്റർ സ്റ്റേഷനിലേക്ക് നേരിട്ട് മെട്രോയിൽ സുഖകരമായ യാത്ര ആസ്വദിക്കാം.

പ്രദർശന സമയത്തുടനീളം ദുബൈ വേൾഡ് ട്രേഡ് സെന്ററിന് സമീപമുള്ള പാർക്കിംഗ് പരിമിതമാണ്. ഒരു മണിക്കൂറിന് 25 ദിർഹമാണ് പാർക്കിം​ഗ് നിരക്കായി ഈടാക്കുക.

അതേസമയം, യാത്രക്കാർക്ക് ദുബൈ മെട്രോയുടെ 'പാർക്ക് ആൻഡ് റൈഡ്' സേവനം പ്രയോജനപ്പെടുത്താം. നാഷണൽ പെയിന്റ്സ്, സെന്റർപോയിന്റ്, e& സ്റ്റേഷനുകളിൽ വാഹനങ്ങൾ നിർത്തിയിട്ട ശേഷം മെട്രോ വഴി യാത്ര തുടരാം. മെട്രോ ഉപയോഗിക്കാത്തവർക്ക് പാർക്കിം​ഗ് നിരക്കായി മണിക്കൂറിന് 10 ദിർഹം ഈടാക്കും. ഇത് ഒരു ദിവസത്തേക്ക് പരമാവധി 50 ദിർഹമായി പരിമിതപ്പെടുത്തിയിട്ടുണ്ട്.

ALSO READ: മാസ ശമ്പളവും ​ഗ്രാറ്റുവിറ്റി ആനുകൂല്യങ്ങളും നൽകിയില്ല; മുൻ ജീവനക്കാരന് 475,555 ദിർഹം നഷ്ടപരിഹാരം നൽകാൻ ഉത്തരവിട്ട് അബൂദബി ലേബർ കോടതി

അതേസമയം, 2026 മുതൽ ജൈടെക്സ് ഗ്ലോബൽ എക്സിബിഷൻ എക്സ്പോ സിറ്റി ദുബൈയിലേക്ക് മാറ്റാൻ തീരുമാനിച്ചിട്ടുണ്ട്. യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ H.H. ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആണ് ഈ നിർദേശം മുന്നോട്ടുവെച്ചത്. ബുധനാഴ്ച (2025 ഒക്ടോബർ 8) ദുബൈ മീഡിയ ഓഫിസാണ് ഇക്കാര്യം വ്യക്തമാക്കിയത്.

ഈ തീരുമാനപ്രകാരം, 2026 മുതൽ ജൈടെക്സ് ഗ്ലോബൽ എക്സ്പോ സിറ്റി ദുബൈയിലെ ദുബൈ എക്സിബിഷൻ സെന്ററിൽ നടക്കും. ഇതിനുള്ള തയ്യാറെടുപ്പുകൾ ഇതിനോടകം ആരംഭിച്ചുകഴിഞ്ഞു. 2026 മുതൽ ജൈടെക്സ് ഗ്ലോബലും, എക്സ്പാൻഡ് നോർത്ത് സ്റ്റാറും ഒരേ വേദിയിൽ ഒരുമിച്ച് സംഘടിപ്പിക്കും. ഈ പ്രദർശനങ്ങൾ 2026 ഡിസംബർ 7 മുതൽ 11 വരെ എക്സ്പോ സിറ്റി ദുബൈയിൽ നടക്കും.

The 45th edition of GITEX Global, the world's largest tech and startup event, has begun today at the Dubai World Trade Centre. The event brings together over 6,800 companies and 2,000 startups from 180 countries, showcasing cutting-edge technologies like AI, quantum computing, biotech, and sustainable tech.