തിരുവനന്തപുരം: മൂന്നാഴ്ച്ച നീണ്ടുനില്‍ക്കുന്ന മുഖ്യമന്ത്രി പിണറായി വിജയന്റെ ഗള്‍ഫ് പര്യടനത്തിന് കേന്ദ്രസര്‍ക്കാര്‍ അനുമതി നല്‍കി. എന്നാല്‍ സഊദി അറേബ്യ സന്ദര്‍ശിക്കാന്‍ അനുമതി നല്‍കിയിട്ടില്ല. സഊദി യാത്ര മറ്റൊരു തിയ്യതിയിലേക്ക് മാറ്റിയേക്കും. 

ഈ മാസം 16 നു ബഹ്റൈനിലും 17 മുതല്‍ 19 വരെയുമായി സഊദിയിലുമായിരുന്നു പരിപാടികള്‍. ഒക്ടോബര്‍ 16-ന് ബഹ്റൈനിലെത്തുന്ന മുഖ്യമന്ത്രി ഏകദിന സന്ദര്‍ശനത്തിനു ശേഷം ദമാമിലേക്കു തിരിക്കും. 17 ന് ദമാമിലും 18 ന് ജിദ്ദയിലും 19 ന് റിയാദിലുമായിപരിപാടികളില്‍ മുഖ്യമന്ത്രി പങ്കെടുക്കും. മലയാള ഭാഷാ പഠനത്തിനും പ്രചാരണത്തിനുമായി കേരള സര്‍ക്കാര്‍ ആഗോള തലത്തില്‍ ഒരുക്കിയിട്ടുള്ള വേദിയായ മലയാളം മിഷന്റെ ആഭിമുഖ്യത്തില്‍ റിയാദ്, ദമാം, ജിദ്ദ മേഖലകളില്‍ നടക്കുന്ന 'മലയാളോത്സവം' പൊതുപരിപാടിയില്‍ മുഖ്യമന്ത്രി സംബന്ധിക്കും.

ALSO READ: മുഖ്യമന്ത്രിയുടെ മകന് സമന്‍സ് അയച്ചത് ലാവ്‌ലിന്‍ കേസില്‍, വിളിപ്പിച്ചത് സാക്ഷിയെന്ന നിലയില്‍

മുഖ്യമന്ത്രിക്കു പുറമേ സാംസ്‌കാരിക വകുപ്പു മന്ത്രി സജി ചെറിയാന്‍, നോര്‍ക്ക ഡയറക്ടര്‍ ബോര്‍ഡ് അംഗങ്ങള്‍ എന്നിവരും പരിപാടിയില്‍ പങ്കെടുക്കും

English Summary: Kerala Chief Minister Pinarayi Vijayan is set to begin his three-week Gulf tour on October 16, with the Indian central government granting approval for most destinations — except Saudi Arabia. The planned visit to Saudi, scheduled between October 17 and 19, may be postponed to a later date.