കോഴിക്കോട്: ബുധനാഴ്ച രാത്രി കോഴിക്കോട് സൗത്ത് ബീച്ചിനു സമീപം കടലിലുണ്ടായത് ഫ്‌ളൂയിഡ് മഡ് എന്ന ചെളി അടിയല്‍ പ്രതിഭാസം ആണെന്നു കണ്ടെത്തി. ഇതുമൂലം തിരമാലകള്‍ വരാതെ 200 മീറ്ററോളം കടല്‍ ഉള്ളിലേക്ക് വലിഞ്ഞപ്പോഴാണ് ആശങ്ക പരന്നത്. ഒഴുക്കു വ്യത്യാസവും മര്‍ദവ്യതിയാനവും മൂലം കടല്‍ ഉള്‍വലിയാം.

ചെളി അടിയുന്നതിനുള്ള കാരണം കടലില്‍ ഉണ്ടാകുന്ന ഒഴുക്കിനെത്തുടര്‍ന്ന് അടിത്തട്ടിലെ ചെളി വേര്‍പെടുകയും അവ കരയിലേക്ക് നീങ്ങുകയും ചെയ്യുന്നതാണ്. മുന്‍പ് സുനാമിയും ഓഖിയും മറ്റുമുണ്ടായപ്പോഴും ഇത്തരം കടല്‍ ഉള്‍വലിയല്‍ സംഭവിച്ചതിനാലാണ് തീരവാസികള്‍ ഭയപ്പെട്ടു പോയത്.

ഇന്‍കോയിസ് അധികൃതര്‍ നല്‍കിയ കള്ളക്കടല്‍ ജാഗ്രതാനിര്‍ദേശം നിലനില്‍ക്കുന്നുമുണ്ട്. സൂക്ഷ്മജീവികളായ പ്ലവകങ്ങളും മറ്റും ഈ ചെളിയോടടുത്ത പ്രദേശത്ത് കാണാവുന്നതാണ്. അതുകൊണ്ട് ചിലപ്പോള്‍ മത്സ്യലഭ്യതയും കൂടാം. വ്യാഴാഴ്ചയും സമാനമായ പ്രതിഭാസമുണ്ടായിരുന്നു. കഴിഞ്ഞ ദിവസമുണ്ടായതിന് കുറച്ചകലെയായാണ് ചെളിയടിഞ്ഞു കണ്ടത്.

ALSO READ: പള്ളുരുത്തി സ്കൂളിലെ ഹിജാബ് വിവാദം; മകൾക്ക് സ്കൂളിൽ തുടരാൻ താൽപര്യമില്ല, സ്കൂൾ മാറ്റുമെന്ന് പിതാവ്; മന്ത്രി മാനേജ്മെന്റിനെ രൂക്ഷമായി വിമർശിച്ചു

വേലിയിറക്കമാണെന്നാണ് ആദ്യം വിചാരിച്ചതെന്നും ചെളിക്കൂന അടിഞ്ഞപ്പോള്‍ മറ്റെന്തോ ആണെന്ന് ഭയപ്പെട്ടുവെന്നും കോതിയില്‍ കടുക്ക വില്‍ക്കുന്നയാള്‍ പറഞ്ഞു. കോതിക്കുസമീപം കുറച്ചുഭാഗത്തു മാത്രമേ ഈ മാറ്റം കാണപ്പെട്ടുള്ളൂവെന്നും കടല്‍ പ്രക്ഷുബ്ധമായിരുന്നില്ലെന്നും ഒരു മത്സ്യത്തൊഴിലാളിയും പറഞ്ഞു. വ്യാഴാഴ്ച കടലില്‍ അടിയിളക്കം കൂടുതലായുണ്ടായിരുന്നുവെന്നു അങ്ങനെ മത്തിയും മറ്റ് ചെറുമത്സ്യങ്ങളും കൂടുതലായി ലഭിച്ചുവെന്നും മത്സ്യത്തൊഴിലാളി പറഞ്ഞു.

An unusual sea recession observed on Wednesday night near Kozhikode South Beach has been identified as a "fluid mud" phenomenon. The sea appeared to recede up to 200 meters without waves, causing concern among local residents. This effect is caused by a variation in ocean currents and pressure, which displaces seabed mud and pushes it toward the shore. Similar sea withdrawal events had occurred during previous incidents like the tsunami and Cyclone Ockhi, which is why residents were alarmed. The INCOIS (Indian National Centre for Ocean Information Services) warning for rough sea conditions remains in place.