ദുബൈ: നിങ്ങൾ ഷാർജയിലെ ഒരു താമസക്കാരനോ അല്ലെങ്കിൽ സന്ദർശനത്തിനിടെ ​ഗതാ​ഗത പിഴ ലഭിച്ച വ്യക്തിയോ ആണെങ്കിൽ, പിഴ കൈകാര്യം ചെയ്യുന്ന അതോറിറ്റിയെക്കുറിച്ച് അറിഞ്ഞിരിക്കേണ്ടത് അത്യാവശ്യമാണ്. ഷാർജ മുനിസിപ്പാലിറ്റിയാണ് ഷാർജയിലെ പാർക്കിംഗ് പിഴകളുമായി ബന്ധപ്പെട്ട കാര്യങ്ങൾ കൈകാര്യം ചെയ്യുന്നത്.

താഴെ പറയുന്ന പിഴകൾ ഇതിൽ ഉൾപ്പെടുന്നു:

• പണം നൽകി ഉപയോഗിക്കേണ്ട സ്ഥലത്ത് അനുവദിച്ച സമയപരിധി കഴിഞ്ഞും വാഹനം പാർക്ക് ചെയ്യുക.
• നിയമവിരുദ്ധമായി പാർക്ക് ചെയ്യുക.
• അനുമതിയില്ലാതെ, റിസർവ് ചെയ്തതോ ഭിന്നശേഷിക്കാർക്കായി (Handicapped) നീക്കിവെച്ചതോ ആയ സ്ഥലങ്ങളിൽ പാർക്ക് ചെയ്യുക.
• നിങ്ങൾക്ക് ഈ പിഴകൾ ഓൺലൈനായോ നേരിട്ടോ അടയ്ക്കാവുന്നതാണ്.

ഓൺലൈനായി പിഴ അടയ്‌ക്കേണ്ട വിധം

ഷാർജ മുനിസിപ്പാലിറ്റിയുടെ ഓൺലൈൻ പോർട്ടൽ വഴി നിങ്ങൾക്ക് പിഴ അടയ്ക്കാം:

1. ഷാർജ മുനിസിപ്പാലിറ്റിയുടെ പാർക്കിംഗ് പിഴ പോർട്ടലിലേക്ക് പോകുക: www.shjmun.gov.ae/PublicEServices/Serv4-payfines/default.aspx?))Lang=en-US
2. വാഹനത്തിൻ്റെ വിവരങ്ങൾ നൽകുക:
   • നമ്പർ പ്ലേറ്റ് (Plate number)
   • ഉറവിടം (Source - വാഹനം രജിസ്റ്റർ ചെയ്ത എമിറേറ്റ്)
   • വിഭാഗം (Category - സ്വകാര്യം, കമ്പനി, അല്ലെങ്കിൽ വാടക)
3. നിങ്ങൾക്ക് അടയ്‌ക്കാനുള്ള പിഴകൾ ഉണ്ടോയെന്ന് പരിശോധിക്കാൻ 'Search' (തിരയുക) എന്ന ബട്ടൺ ക്ലിക്കുചെയ്യുക.
4. പിഴകൾ ലിസ്റ്റ് ചെയ്താൽ, നിങ്ങളുടെ കോൺടാക്റ്റ് വിവരങ്ങൾ (ഇമെയിലും മൊബൈൽ നമ്പറും) നൽകുക.
5. പോർട്ടൽ ഉപയോഗിച്ച് ഓൺലൈനായി പിഴ അടയ്ക്കുക.
6. വിജയകരമായി പേയ്‌മെന്റ് പൂർത്തിയാക്കിയാൽ നിങ്ങൾക്ക് ഒരു കൺഫർമേഷൻ SMS-ഉം ഇമെയിലും ലഭിക്കും.

അതേസമയം, നേരിട്ട് പണമടയ്‌ക്കാനാണ് നിങ്ങൾ താത്പര്യപ്പെടുന്നതെങ്കിൽ, വാഹനത്തിൻ്റെ വിശദാംശങ്ങൾ സഹിതം ഷാർജ സിറ്റി മുനിസിപ്പാലിറ്റിയിലെ പബ്ലിക് പാർക്കിംഗ് ഡിപ്പാർട്ട്‌മെൻ്റ് (Public Parking Department) സന്ദർശിക്കുക.

ഷാർജയിലെ പ്രധാന പാർക്കിംഗ് നിയമലംഘനങ്ങളും പിഴകളും

ഷാർജ മുനിസിപ്പാലിറ്റി 25-ൽ അധികം നിയമലംഘനങ്ങളും പിഴകളും പട്ടികപ്പെടുത്തിയിട്ടുണ്ട്. അതിൽ ചില നിയമ ലംഘനങ്ങളും പിഴകളുമാണ് താഴെ കൊടുക്കുന്നത്. 

നിയമലംഘനം (Violation)

1. ടിക്കറ്റ് എടുക്കാതിരിക്കുകയും പ്രദർശിപ്പിക്കാതിരിക്കുകയും ചെയ്യുക - Dh150
2. ടിക്കറ്റിൽ അനുവദിച്ച സമയപരിധി ലംഘിച്ച് വാഹനം പാർക്ക് ചെയ്യുക - Dh100
3. വാഹനങ്ങളുടെ സഞ്ചാരം തടസ്സപ്പെടുത്തുകയോ മറ്റുള്ളവർക്ക് അപകടമുണ്ടാക്കുകയോ ചെയ്യുക - Dh200
4. ടിക്കറ്റിംഗ് മെഷീനുകൾ അല്ലെങ്കിൽ പാർക്കിംഗ് സൗകര്യങ്ങൾ ദുരുപയോഗം ചെയ്യുക - Dh500
5. അനുമതിയില്ലാതെ ഭിന്നശേഷിക്കാർക്കുള്ള (Handicapped) സ്ഥലത്ത് പാർക്ക് ചെയ്യുക - Dh1,000
6. ലൈസൻസില്ലാതെ പാർക്കിംഗ് സ്ഥലം റിസർവ് ചെയ്യുക - Dh1,000
7. ലൈസൻസില്ലാതെ പൊതു പാർക്കിംഗ് ഏരിയയിൽ കാർ കഴുകുക - Dh500
8. റിസർവ് ചെയ്ത സ്ഥലത്ത് പാർക്ക് ചെയ്യുക - Dh1,000
9. പാർക്കിംഗ് സ്ഥലത്തിനുള്ള റിസർവേഷൻ പെർമിറ്റ് കാണിക്കാതിരിക്കുക - Dh300
10. ലൈസൻസില്ലാതെ ഒരു കടയ്ക്ക് പുറത്തുള്ള സ്ഥലം ഉപയോഗിക്കുക - Dh1,000

Sharjah Municipality is the designated authority for handling parking fines in Sharjah. Residents and visitors who receive parking fines can contact the municipality to inquire about or pay their fines, and understand the process for disputing or settling any parking-related violations