കോഴിക്കോട്: കോഴിക്കോട് കൊടിയത്തൂരില്‍ നിര്‍മാണത്തിലിരിക്കുന്ന ഓഡിറ്റോറിയത്തിന്റെ മാലിന്യ ടാങ്ക് കുഴിയില്‍ വീണ വിദ്യാര്‍ത്ഥിയുടെ നില ഗുരുതരാവസ്ഥയില്‍. കുട്ടിയെ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റി. മലിനജല സംസ്‌കരണത്തിനായി കുഴിച്ച കുഴിയിലാണ് 15 വയസ്സുകാന്‍ വീണത്.

കൊടിയത്തൂര്‍ പഞ്ചായത്തിലെ ഓഡിറ്റോറിയത്തില്‍ മാലിന്യ സംസ്‌കരണത്തിനായി നിര്‍മാണം നടക്കുന്ന ടാങ്കിലാണ് വിദ്യാര്‍ത്ഥി വീണിരിക്കുന്നത്. ചെറുവാടിക്ക് സമീപം ആലിങ്കലില്‍ പ്രവര്‍ത്തിക്കുന്ന പാരമൗണ്ട് ഓഡിറ്റോറിയത്തില്‍ ഇന്നലെ വൈകീട്ട് അഞ്ചോടെയായിരുന്നു അപകടം.

 ALSO READ: സംസ്ഥാനത്ത് ഇന്നും കനത്ത മഴ; 12 ജില്ലകളിൽ യെല്ലോ അലർട്ട്; ഇടിമിന്നൽ, ശക്തമായ കാറ്റ്

ടാങ്കിന്റെ ഒരു ഭാഗം കോണ്‍ക്രീറ്റ് സ്ലാബ് കൊണ്ട് മൂടിയിരുന്നില്ല. ശക്തമായ മഴയില്‍ ടാങ്കിന്റെ മുകള്‍ ഭാഗം മുഴുവന്‍ വെള്ളത്താല്‍ നിറഞ്ഞിരുന്നു. കുഴിയുള്ളത് അറിയാതെ ഇതു വഴി നടന്ന പതിനഞ്ചുകാരനായ വിദ്യാര്‍ത്ഥിയാണ് അപകടത്തില്‍പ്പെട്ടത്. കളിക്കുന്നതിനിടെ പന്ത് എടുക്കാന്‍ വന്നപ്പോഴായിരുന്നു വിദ്യാര്‍ത്ഥി കുഴിയില്‍ വീണത്.

കൊടിയത്തൂര്‍ ബുഹാരി ഇന്‍സ്റ്റിറ്റ്യൂട്ട് വിദ്യാര്‍ത്ഥിയും ആലുവ സ്വദേശിയുമായ മുഹമ്മദ് സിനാന്‍ ആണ് അപകടത്തില്‍പ്പെട്ട കുട്ടി. സ്ഥലത്തെത്തിയ മുക്കം അഗ്‌നിരക്ഷാസേന അംഗങ്ങള്‍ വിദ്യാര്‍ത്ഥിയെ ഉടന്‍ തന്നെ പുറത്തെടുത്ത് സമീപത്തെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. ഗുരുതരമായി പരിക്കേറ്റതിനാല്‍ കോഴിക്കോട്ടെ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്.

A 15-year-old student is in critical condition after falling into a waste treatment tank under construction at an auditorium in Kodiyathur, Kozhikode. The incident occurred around 5 PM near the Paramount Auditorium, close to Cheruvadi, Alinkal. The tank, part of a sewage treatment system, was uncovered and had filled with rainwater, making it indistinguishable from the surroundings. The boy fell into the tank while retrieving a ball during play. He has been shifted to a private hospital in Kozhikode for urgent medical care.