നിലവിൽ ലോക ഫുട്ബോളിൽ ഏറ്റവും മികച്ച യുവതാരങ്ങളിൽ ഒരാളാണ് സ്പാനിഷ് യുവതാരം ലാമിൻ യമാൽ. അർജന്റൈൻ ഇതിഹാസ താരമായ ലയണൽ മെസിയുമായും ക്രിസ്റ്റ്യാനോ റൊണാൾഡോയുമായും പല താരങ്ങളും പരിശീലകരും യമാലിനെ താരതമ്യം ചെയ്യുന്നുണ്ട്.

ഇപ്പോൾ യമാലിനെ മെസിയുമായും റൊണാൾഡോയുമായും താരതമ്യം ചെയ്യരുതെന്ന് പറഞ്ഞിരിക്കുകയാണ് സ്പാനിഷ് ക്ലബ്ബ് റയൽ ഓവീഡോയുടെ ക്യാപ്റ്റനായ സാൻഡി കസോർള. രണ്ട് ഇതിഹാസതാരങ്ങളുടെയും താരതമ്യം മൂലമുള്ള സമ്മർദ്ദങ്ങൾ ഇല്ലാതെ യമാലിന് ഫുട്ബോളിൽ തന്റെ സ്വന്തം കഥയെഴുതാൻ സമയം നൽകണമെന്നാണ് സാൻഡി കസോർള പറഞ്ഞത്.  

"അവനെ മെസിയും റൊണാൾഡോയുമായും താരതമ്യം ചെയ്യുന്നത് ആർക്കും നല്ലതല്ല. ലാമിന് ഫുട്ബോളിൽ തന്റെ സ്വന്തം കഥ എഴുതാനും തന്റെ യൗവനകാലം ആസ്വദിക്കാനും സമയവും അവസരവും നൽകണം'' സാൻഡി കസോർള വിൻ വിന്നിന് നൽകിയ അഭിമുഖത്തിൽ പറഞ്ഞു. 

ബാഴ്സലോണക്ക് വേണ്ടി ഇതിനോടകം തന്നെ തകർപ്പൻ പ്രകടനമാണ് യമാൽ പുറത്തെടുത്തുകൊണ്ടിരിക്കുന്നത്. തന്റെ പതിനഞ്ചാം വയസ്സിലായിരുന്നു കറ്റാലൻമാർക്ക് വേണ്ടി യമാൽ ആദ്യമായി ബൂട്ട് കെട്ടിയത്. രാജ്യാന്തര തലത്തിൽ സ്പാനിഷ് ടീമിന് വേണ്ടിയും ശ്രദ്ധേയമായ പ്രകടനങ്ങൾ പുറത്തെടുക്കാൻ യമാലിന് സാധിച്ചിട്ടുണ്ട്. സ്പാനിഷ് ടീമിനൊപ്പം 2024 യൂറോ കപ്പ് സ്വന്തമാക്കാനും ലാമിന് സാധിച്ചിട്ടുണ്ട്. സ്പാനിഷ് ടീമിനായി 23 മത്സരങ്ങളിൽ നിന്നും ആറ് ഗോളുകളും 12 അസിസ്റ്റുകളും താരം സ്വന്തമാക്കിയിട്ടുണ്ട്. 

അതേസമയം ഫുട്ബോൾ ചരിത്രത്തിലെ എക്കാലത്തെയും മികച്ച താരം ആരാണെന്ന ചോദ്യത്തിന് മറുപടി  ലാമിൻ യമാൽ മറുപടി നൽകിയിരുന്നു. റൊണാൾഡോയെ മറികടന്ന് ലയണൽ മെസിയെയാണ് യമാൽ ഏറ്റവും മികച്ച താരമെന്ന് വിശേഷിപ്പിച്ചത്. ബാഴ്സ യൂണിവേഴ്സലിന് നൽകിയ അഭിമുഖത്തിലാണ് യമാൽ ഇക്കാര്യം വെളിപ്പെടുത്തിയത്. 

Spanish youngster Lamine Yamal is one of the best young players in world football. Many players and coaches have compared Yamal to Argentine legends Lionel Messi and Cristiano Ronaldo. Now, Spanish club Real Oviedo captain Sandy Cazorla has said that Yamal should not be compared to Messi and Ronaldo.