തൃശൂർ: ചാവക്കാട് പൊലിസ് സ്റ്റേഷനിൽ വെച്ച് മർദനമേറ്റെന്ന പരാതിയുമായി 18 വയസ്സുകാരൻ. മലപ്പുറം പാലപ്പെട്ടി സ്വദേശിയായ അനസാണ് പരാതിയുമായി രം​ഗത്തെത്തിയത്. ഇയാളെ നിലവിൽ പൊന്നാനി താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്.

എടക്കഴിയൂർ നേർച്ച കാണാൻ പോയതായിരുന്നു അനസ്. അവിടെ രണ്ട് വിഭാഗങ്ങൾ തമ്മിൽ തർക്കമുണ്ടായതിനെ തുടർന്ന് പൊലിസ് സ്ഥലത്തെത്തുകയും ലാത്തി വീശുകയും ചെയ്തു. ഈ ബഹളത്തിനിടയിൽ ഓടാൻ കഴിയാതിരുന്ന അനസിനെയും മറ്റൊരാളെയും പൊലിസ് കസ്റ്റഡിയിലെടുത്ത് ചാവക്കാട് സ്റ്റേഷനിലേക്ക് കൊണ്ടുപോയി. സ്റ്റേഷനിൽ വെച്ച് പൊലിസുകാർ തന്നെ ക്രൂരമായി മർദിച്ചെന്നാണ് അനസ് ആരോപിക്കുന്നത്.

ALSO READ: അതിർത്തിയിൽ വീണ്ടും പാക് ഡ്രോണുകൾ; ജമ്മു കശ്മീരിൽ സൈന്യം വ്യാപക തിരച്ചിലിൽ

കൈക്കും കാലിനും കഴുത്തിനും അടിയേറ്റെന്നും, മർദന വിവരം ആരോടും പറയരുതെന്ന് പൊലിസ് ഭീഷണിപ്പെടുത്തിയെന്നും യുവാവ് ആരോപിക്കുന്നു.

അതേസമയം, അനസിന്റെ ഈ പരാതി ചാവക്കാട് പൊലിസ് പൂർണ്ണമായും നിഷേധിച്ചു. യുവാവിനെ സ്റ്റേഷനിലേക്ക് കൊണ്ടുവന്നിട്ടേയില്ലെന്നാണ് പൊലിസ് വ്യക്തമാക്കുന്നത്.

An 18-year-old youth from Palappetty, Malappuram, has filed a complaint alleging that he was brutally assaulted by the police at the Chavakkad station in Thrissur. The complainant, identified as Anas, claimed he was picked up by the police during a clash at a local festival in Edakkazhiyur and was subsequently beaten while in custody. Anas, who sustained injuries to his neck and limbs, is currently undergoing treatment at the Ponnani Taluk Hospital.