ന്യൂഡൽഹി: വിഷവായുവിനൊപ്പം കടുത്ത തണുപ്പും മൂടൽ മഞ്ഞും കൂടി രൂപപ്പെട്ടതോടെ ഡൽഹിയിൽ കാലാവസ്ഥാ നിരീക്ഷണ വിഭാഗം യെല്ലോ അലർട്ട് പ്രഖ്യാപിച്ചു. ഇന്നലെയും ഇന്നുമാണ് യെല്ലോ അലർട്ട്. വരും ദിവസങ്ങളിൽ താപനിലയിൽ കുത്തനെ ഇടിവ് അനുഭവപ്പെടുന്നതിനാൽ കാലാവസ്ഥ കൂടുതൽ വഷളാകാൻ സാധ്യതയുണ്ടെന്ന്  മുന്നറിയിപ്പ് നൽകിയിട്ടുണ്ട്. സഫ്ദർജങ്ങിൽ ഏറ്റവും കുറഞ്ഞ താപനില 4.2 ഡിഗ്രി സെൽഷ്യസ് രേഖപ്പെടുത്തി.
 
കഴിഞ്ഞ മൂന്ന് വർഷത്തിനിടെ ജനുവരിയിലെ ഏറ്റവും കുറഞ്ഞ  താപനിലയാണിത്. പകൽ സമയത്തും കടുത്ത തണുപ്പ് തുടരുകയാണ്. പരമാവധി താപനില 19.7 ഡിഗ്രി സെൽഷ്യസിൽ എത്തി. താപനില കുത്തനെ കുറയുന്നതിനാൽ, രാവിലെ സമയങ്ങളിൽ മിതമായതോ ഇടതൂർന്നതോ ആയ മൂടൽമഞ്ഞ് ഉണ്ടാകുമെന്ന് കാലാവസ്ഥാ വകുപ്പ് പ്രവചിച്ചിട്ടുണ്ട്. 

ALSO READ: മുസ്‌ലിം തൊഴിലാളികൾക്ക് 'ജയ് ശ്രീറാം' വിളിച്ച് ബജ്‌റംഗ്ദൾ പ്രവർത്തകരുടെ ക്രൂരമർദ്ദനം; ബംഗ്ലാദേശികളെന്ന് ആക്ഷേപം

തണുപ്പ് മൂലം വായുവിന്റെ ഗുണനിലവാരം കൂടുതൽ വഷളായി. ചാന്ദ്നി ചൗക്കിൽ ഗുണനിലവാരം 395 ആയി. ഇത് കടുത്ത ആരോഗ്യ പ്രശ്നങ്ങൾക്ക് കാരണമാകുന്നുണ്ട്. ജാഗ്രത പാലിക്കണം.