ദുബൈ: ബുധനാഴ്ച പുലർച്ചെ (ഒക്‌ടോബർ 22, 2025) സഊദി അറേബ്യയിലെ അൽ ഖാസിം പ്രവിശ്യയിലുണ്ടായ വാഹനാപകടത്തിൽ ആറ് പേർക്ക് ദാരുണാന്ത്യം. അൽ നബ്ഹാനിയ സെന്ററിനടുത്ത് ദാലിയ റാഷിദ് റോഡിൽ വെച്ച് ഒരു സുഡാനീസ് കുടുംബം സഞ്ചരിച്ച കാർ മറ്റൊരു വാഹനവുമായി കൂട്ടിയിടിച്ച് തീപിടിക്കുകയായിരുന്നു. സംഭവസ്ഥലത്ത് വെച്ച് തന്നെ കുടുംബാംഗങ്ങൾ ആറുപേരും മരണപ്പെട്ടു.

കുടുംബം സഞ്ചരിച്ചിരുന്ന കാർ ഒരു സഊദി വാഹനവുമായി കൂട്ടിയിടിച്ചതിനെത്തുടർന്ന് വലിയ തീപിടിത്തമുണ്ടാവുകയും, കാർ പൂർണ്ണമായി കത്തി നശിക്കുകയും ചെയ്തതായി മാധ്യമങ്ങൾ റിപ്പോർട്ട് ചെയ്യുന്നു.   

ALSO READ: ശാന്തമായ അന്തരീക്ഷവും മികച്ച സൗകര്യങ്ങളും; ദുബൈ ടൗൺ സ്ക്വയർ കുടുംബങ്ങളുടെ ഇഷ്ട കേന്ദ്രമായി മാറുന്നതിന് കാരണം ഇത്

അൽ അനൂദ് അബ്ദുള്ള അൽ തുരൈഫി എന്ന യുവതിയാണ് ഈ അപകടത്തിൽ നിന്ന് രക്ഷപ്പെട്ട ഒരേയൊരാൾ. പരുക്കേറ്റ ഇവരെ എയർലിഫ്റ്റ് ചെയ്ത് ബുറൈദയിലെ മെറ്റേണിറ്റി ആൻഡ് ചിൽഡ്രൻസ് ഹോസ്പിറ്റലിലേക്ക് മാറ്റി.

അപകടത്തിൽ മരിച്ചവരുടെ മൃതദേഹങ്ങൾ ഔദ്യോഗിക നടപടിക്രമങ്ങൾ പൂർത്തിയാക്കുന്നതിനായി അൽ നബ്ഹാനിയ ഹോസ്പിറ്റലിൽ നിന്ന് അൽ ബദായി ഹോസ്പിറ്റലിലെ മോർച്ചറിയിലേക്ക് മാറ്റിയതായി അധികൃതർ വ്യക്തമാക്കി.

അബ്ദുള്ള അൽ തുരൈഫി അബ്ദുള്ള ഹാമെദ് (പിതാവ്), സൗദ് അബ്ദുള്ള അൽ തുരൈഫി (മകൻ), വാദ് അബ്ദുള്ള അൽ തുരൈഫി (മകൾ), മുന അൽ തുരൈഫി അബ്ദുള്ള ഹാമെദ് (പിതാവിൻ്റെ സഹോദരി), മർവ ആദെൽ മുഹമ്മദ് അൽ സാവി (ഭാര്യ), ഹംദ് അൽ നീൽ ഇബ്രാഹിം ഹംദ് അൽ നീൽ അബ്ദുള്ള (പിതാവിൻ്റെ അനന്തരവൻ) എന്നിവരാണ് അപകടത്തിൽ മരണപ്പെട്ടത്. അപകടത്തിന്റെ കാരണം കണ്ടെത്താനായി അധികൃതർ അന്വേഷണം ആരംഭിച്ചിട്ടുണ്ട്.

A tragic road accident in Al Qassim province, Saudi Arabia, claimed the lives of six individuals from a Sudanese family on Wednesday, October 22, 2025. The accident occurred near the Al Nabhaniya center when the family's car collided with another vehicle and caught fire. The incident resulted in immediate fatalities, highlighting the importance of road safety measures.