ദുബൈ: ദുബൈ ഫിറ്റ്‌നസ് ചലഞ്ചിന്റെ ഭാ​ഗമായി നവംബർ മാസത്തിലെ ഞായറാഴ്ചകളിൽ സാലിക് ടോൾ നിരക്കുകളിൽ ഇളവ് പ്രഖ്യാപിച്ചു. നവംബർ 1 മുതൽ 30 വരെയാണ് ദുബൈ ഫിറ്റ്‌നസ് ചലഞ്ച് നടക്കുന്നത്. അതിനാൽ തന്നെ, നവംബർ 2, 16, 23 എന്നീ ഞായറാഴ്ചകളിലാണ് ഈ പുതിയ നിരക്കുകൾ ബാധകമാകുക. ഇതനുസരിച്ച്, യാത്രക്കാർക്ക് ഞായറാഴ്ച ദിവസങ്ങളിൽ കുറഞ്ഞ നിരക്കിൽ യാത്ര ചെയ്യാനാകും.

പുതിയ സാലിക് നിരക്കുകൾ

പുതിയ മാറ്റങ്ങൾ അനുസരിച്ചുള്ള നിരക്കുകൾ താഴെ നൽകുന്നു:

• രാവിലെ 6 മുതൽ 10 വരെയുള്ള തിരക്കേറിയ സമയത്ത് സാലിക് ടോൾ നിരക്ക്  6 ദിർഹമാണ്. അതേസമയം, വൈകുന്നേരം 4 മുതൽ രാത്രി 8 വരെയുള്ള തിരക്കേറിയ സമയത്ത് ടോൾ നിരക്ക് 4 ദിർഹമാണ്. 
• പൊതുവേ, തിരക്ക് കുറഞ്ഞ സമയങ്ങളായ രാവിലെ 10 മുതൽ വൈകുന്നേരം 4 വരെയും രാവിലെ 8 മുതൽ ഉച്ചയ്ക്ക് 1 വരെയും ടോൾ നിരക്ക് 4 ദിർഹമായിരിക്കും. 
• അതേസമയം, തിരക്ക് തീരെ ഇല്ലാത്ത പുലർച്ചെ 1 മുതൽ രാവിലെ 6 വരെയുള്ള സമയത്ത് ടോൾ സൗജന്യമാണ്. 

പ്രധാന ഇവന്റുകൾ നടക്കുന്ന സമയത്ത് ദുബൈയിലെ ഗതാഗത പ്രവാഹം സുഗമമാക്കാനുള്ള സാലിക്കിന്റെ ശ്രമങ്ങളുടെ ഭാഗമാണ് ഈ പുതിയ ഇളവ്.

ALSO READ: യാത്രക്കാരുടെ ശ്രദ്ധക്ക്, കസ്റ്റംസ് നിയമങ്ങൾ കടുപ്പിച്ച് ഒമാൻ: 6,000 റിയാലിൽ അധികമുള്ള കറൻസിയും സ്വർണ്ണവും നിർബന്ധമായും ഡിക്ലയർ ചെയ്യണം

ഒൻപതാമത് ദുബൈ ഫിറ്റ്നസ് ചലഞ്ച്  2025 നവംബർ 1-ന് ആരംഭിക്കും. പങ്കെടുക്കാൻ ആഗ്രഹിക്കുന്നവർക്കുള്ള രജിസ്‌ട്രേഷൻ നടപടികൾ  നേരത്തെ തന്നെ ആരംഭിച്ചിരുന്നു. ഈ വർഷത്തെ ചലഞ്ച് നവംബർ 1 മുതൽ നവംബർ 30 വരെ നീണ്ടുനിൽക്കും.

നഗരത്തിന്റെ വിവിധ ഭാഗങ്ങളിൽ നടക്കുന്ന വൈവിധ്യമാർന്ന ഫിറ്റ്നസ് പരിപാടികൾ ഈ ചലഞ്ചിന്റെ പ്രധാന ആകർഷണമാണ്. ആരോഗ്യകരമായ ജീവിതശൈലിയുടെയും വ്യായാമത്തിന്റെയും പ്രാധാന്യം ജനങ്ങൾക്കിടയിൽ പ്രചരിപ്പിക്കുകയാണ് ഈ പരിപാടിയുടെ ലക്ഷ്യം.

30 ദിവസത്തെ ഈ ചലഞ്ചിന്റെ ഭാഗമായി, ദിനവും 30 മിനിറ്റ് വ്യായാമമോ കായിക പ്രവർത്തനങ്ങളോ നടത്താൻ ദുബൈ ഫിറ്റ്നസ് ചലഞ്ച് പങ്കാളികളെ പ്രോത്സാഹിപ്പിക്കുന്നു. ദുബൈയെ ലോകത്തിലെ ഏറ്റവും ആരോഗ്യമുള്ള നഗരമാക്കുക എന്ന ലക്ഷ്യത്തോടെ 2017-ൽ ദുബൈ കിരീടാവകാശി എച്ച്.എച്ച്. ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ നേതൃത്വത്തിലാണ് ഈ പരിപാടി ആരംഭിച്ചത്.

As part of the Dubai Fitness Challenge 2025, Salik has introduced special toll rates for Sundays during the event period. The challenge runs from November 1 to 30, 2025, and the discounted toll rates will apply on Sundays, November 2, 9, 16, 23, and 30.