ദോഹ: പൊതുജനങ്ങൾക്ക് അസ്വസ്ഥതയുണ്ടാക്കുന്ന തരത്തിലുള്ളതും സാമൂഹിക ധാർമ്മികതയ്ക്കും മൂല്യങ്ങൾക്കും വിരുദ്ധമായ തരത്തിലുമുള്ള 
വീഡിയോ സോഷ്യൽ മീഡിയയിൽ പങ്കുവെച്ച സംഭവത്തിൽ ഉൾപ്പെട്ട പ്രതികളെ ഖത്തർ ആഭ്യന്തര മന്ത്രാലയം (MoI) അറസ്റ്റ് ചെയ്തു. സമൂഹമാധ്യമങ്ങളിൽ ഇതുമായി ബന്ധപ്പെട്ട വീഡിയോ ക്ലിപ്പുകൾ വ്യാപകമായി പ്രചരിച്ചതിനെ തുടർന്നാണ് മന്ത്രാലയത്തിന്റെ വേഗത്തിലുള്ള നടപടി. മന്ത്രാലയം പുറത്തിറക്കിയ ഔദ്യോഗിക പ്രസ്താവനയിലാണ് ഇക്കാര്യം അറിയിച്ചത്.

ALSO READ: ഖത്തര്‍: നവംബര്‍ നാലിന് വിദ്യാര്‍ഥികള്‍ സ്‌കൂളില്‍ വരേണ്ട; പഠനം ഓണ്‍ലൈനില്‍ 

"ഒരു വ്യക്തി മറ്റൊരാളെ ആക്രമിക്കുന്നതും, പൊതു ധാർമ്മികതയ്ക്കും സാമൂഹിക മൂല്യങ്ങൾക്കും വിരുദ്ധമായ അസഭ്യമായ പ്രകടനങ്ങളും അഭിപ്രായങ്ങളും അടങ്ങിയതുമായ വീഡിയോ ക്ലിപ്പുകൾ സമൂഹമാധ്യമങ്ങളിൽ പ്രചരിച്ചതിനെ തുടർന്നാണ് നടപടി." മന്ത്രാലയം പുറത്തിറക്കിയ പ്രസ്താവനയിൽ പറയുന്നു.

പ്രിവന്റീവ് സെക്യൂരിറ്റി വകുപ്പിന്റെ നേതൃത്വത്തിൽ, സംഭവത്തിൽ ഉൾപ്പെട്ട എല്ലാ വ്യക്തികളെയും ആഭ്യന്തര മന്ത്രാലയം തിരിച്ചറിയുകയും അറസ്റ്റ് ചെയ്യുകയും ചെയ്തു. നിലവിലുള്ള നിയമങ്ങൾക്കും ചട്ടങ്ങൾക്കും അനുസൃതമായി ഇവർക്കെതിരെ ആവശ്യമായ നിയമനടപടികൾ ആരംഭിച്ചിട്ടുണ്ട്.

ALSO READ: Qatar Traffic Alert: അല്‍കോര്‍ണിഷ് സ്ട്രീറ്റിന്റെ ഇരു ദിശകളിലുമുള്ള ഗതാഗതം താല്‍ക്കാലികമായി അടച്ചിടും 

രാജ്യത്തെ സുരക്ഷയും പൊതു ക്രമവും സംരക്ഷിക്കുന്നതിൽ മന്ത്രാലയം പ്രതിജ്ഞാബദ്ധമാണെന്ന് അധികൃതർ വ്യക്തമാക്കി. നിയമവും സാമൂഹിക മൂല്യങ്ങളും ലംഘിക്കുന്ന പെരുമാറ്റത്തിൽ ഏർപ്പെടുന്ന ഏതൊരാൾക്കെതിരെയും ആവശ്യമായ എല്ലാ നടപടികളും സ്വീകരിക്കാൻ മടിക്കില്ലെന്നും മന്ത്രാലയം ചൂണ്ടിക്കാട്ടി.

authorities arrest individuals responsible for spreading a defamatory video on social media platforms, highlighting the legal risks of sharing harmful content online.