കോഴിക്കോട്: കോഴിക്കോട് ജില്ലയെ സാമ്പത്തിക സൈബര്‍ ഹോട്‌സ്‌പോട്ടായി പ്രഖ്യാപിച്ച് ഇന്ത്യന്‍ സൈബര്‍ ക്രൈം കോര്‍ഡിനേഷന്‍ സെന്റര്‍. സൈബര്‍ സാമ്പത്തിക തട്ടിപ്പുകള്‍ ജില്ലയില്‍ കൂടിയതോടെയാണ് ഈ പ്രഖ്യാപനം. സൈബര്‍ കുറ്റകൃത്യങ്ങള്‍ക്കെതിരേ കര്‍ശന നടപടികള്‍ എടുക്കുമെന്നും റൂറല്‍ ജില്ലാ പൊലിസ് മേധാവി കെ.ഇ ബൈജു പറഞ്ഞു. 

ദക്ഷിണേന്ത്യയില്‍ സൈബര്‍ സാമ്പത്തിക തട്ടിപ്പുകേസില്‍ കോഴിക്കോട് ജില്ല ഏഴാം സ്ഥാനത്താണ്. സൈബര്‍കുറ്റങ്ങള്‍ കൂടിയതോടെ ഇന്ത്യന്‍ സൈബര്‍ ക്രൈം കോര്‍ഡിനേഷന് സെന്റര്‍ കോഴിക്കോട് ജില്ലയെ ഹോട്‌സ്‌പോട്ടായി പ്രഖ്യാപിച്ചു. സൈബര്‍ കുറ്റകൃത്യങ്ങള്‍ നിരീക്ഷിക്കാനും തടയാനുമായി ആഭ്യന്തരമന്ത്രാലയത്തിന് കീഴില്‍ പ്രവര്‍ത്തിക്കുന്ന ഏജന്‍സിയാണ് ഐഫോര്‍സി. കണക്കുകള്‍ പ്രകാരം ഏപ്രില്‍ മുതല്‍ ഈ വര്‍ഷം ഇതുവരെ 4083 പരാതികളില്‍ 13 കോടിയിലധികം രൂപയാണ് സൈബര്‍ തട്ടിപ്പ് സംഘങ്ങള്‍ നടത്തിയിരിക്കുന്നത്.

വ്യാജ ട്രേഡിങുകളിലൂടെയും മറ്റു നിക്ഷേപങ്ങളുടെയും പേരു പറഞ്ഞാണ് കൂടുതല്‍ തുകകള്‍ തട്ടിപ്പു നടത്തിയിരിക്കുന്നത്. സൈബര്‍ സാമ്പത്തിക കുറ്റ കൃത്യങ്ങള്‍ക്കായി ബാങ്ക് അക്കൗണ്ടുകളും എടിഎം കാര്‍ഡുകളും കൈമാറുന്നവര്‍ക്കെതിരേയും ഇടനിലക്കാര്‍ക്കെതിരെയും കര്‍ശന നടപടിയുമായി മുന്നോട്ട് പോവുമെന്നും പൊലിസ്.

ALSO READ: ഒമ്പതാം ക്ലാസ് വിദ്യാര്‍ത്ഥിയെ സഹപാഠികള്‍ മര്‍ദിച്ച സംഭവത്തില്‍ 7 കുട്ടികളെ പൊലിസ് ജുവനൈല്‍ ഹോമിലേക്ക് മാറ്റി

ഇതുമായി ബന്ധപ്പെട്ട ഓപറേഷന്‍ സൈ ഹണ്ടിന്റെ ഭാഗമായി ജില്ലയില്‍ 14 പേരെ അറസ്റ്റ് ചെയ്തു. നിരവധി പേര്‍ പൊലിസിന്റെ നിരീക്ഷണത്തിലുമാണ്. കോഴിക്കോട് റൂറലില്‍ മാത്രം തട്ടിപ്പിനിരയായവര്‍ക്ക് ഒരു കോടിയോളം രൂപ തിരിച്ചു നല്‍കാന്‍ സാധിച്ചെന്നും റൂറല്‍ എസ്പി വ്യക്തമാക്കി. സൈബര്‍ സാമ്പത്തിക തട്ടിപ്പുകേസുകള്‍ കൂടിയതോടെ സൈബര്‍ രംഗത്ത് അന്വേഷണം വിപുലമാക്കുകയാണ് പൊലിസും.

The Indian Cyber Crime Coordination Centre (I4C) has officially declared Kozhikode district in Kerala as a financial cybercrime hotspot, following a significant surge in online fraud cases.According to police data, 4,083 complaints have been filed in the district since April, involving cyber fraud worth over ₹13 crore. Most of these scams were conducted through fake trading platforms and investment schemes.The I4C, which operates under the Union Ministry of Home Affairs, monitors and prevents cybercrime across India. Kozhikode currently ranks seventh in South India for financial cyber fraud cases.