തിരുവനന്തപുരം: തന്നോട് ലൈംഗികാതിക്രമം നടത്തിയെന്ന നടിയുടെ പരാതിയില്‍ കൊച്ചുവേളി (തിരുവനന്തപുരം നോര്‍ത്ത്) റെയില്‍വേ സ്റ്റേഷനിലെ പോര്‍ട്ടറെ അറസ്റ്റ് ചെയ്തു. അരുണ്‍ എന്നയാളെയാണ് പേട്ട പൊലിസ് അറസ്റ്റ് ചെയ്തത്. കഴിഞ്ഞ വ്യാഴാഴ്ചയായിരുന്നു സംഭവം. ഷൂട്ടിങുമായി ബന്ധപ്പെട്ട യാത്രയ്ക്കായി സ്റ്റേഷനിലെത്തിയതായിരുന്നു നടി. ഇവരെ അപ്പുറത്തെ പ്ലാറ്റ്‌ഫോമിലേക്ക് എളുപ്പത്തില്‍ എത്താന്‍ സഹായിക്കാമെന്ന് വിശ്വസിപ്പിച്ചായിരുന്നു ഇയാള്‍ മോശമായി പെരുമാറിയത്.

റെയില്‍വേ ലൈന്‍ മുറിച്ചുകടക്കാതെ തന്നെ നിര്‍ത്തിയിട്ടിരിക്കുന്ന ട്രെയിനിന്റെ എസി കോച്ച് വഴി അപ്പുറത്തെത്തിക്കാമെന്നായിരുന്നു ഇയാളുടെ വാഗ്ദാനം. തുടര്‍ന്ന് ട്രെയിന്‍ കയറി അപ്പുറത്തെത്തിയ ശേഷം ട്രാക്കിലേക്കിറങ്ങാന്‍ ശ്രമിക്കുന്നതിനിടെ ഇയാള്‍ ദേഹത്ത് കടന്നുപിടിക്കുകയായിരുന്നുവെന്നാണ് നടിയുടെ പരാതി.

സംഭവത്തില്‍ റെയില്‍വേ അധികൃതര്‍ക്ക് പരാതി നല്‍കിയെങ്കിലും പോര്‍ട്ടറെ ന്യായീകരിച്ചാണ് ഇടപെട്ടതെന്ന ആരോപണവുമുണ്ട്. ഇതിന് പിന്നാലെ നടി പൊലിസില്‍ പരാതിപ്പെടുകയായിരുന്നു. സംഭവത്തിന് ശേഷം അരുണിനെ ജോലിയില്‍നിന്ന് സസ്‌പെന്‍ഡും ചെയ്തു.

A porter named Arun was arrested by the Pettah Police in Thiruvananthapuram (Kochu Veli/North Railway Station) after a female actor filed a sexual assault complaint against him. The incident occurred on Thursday when the actress arrived at the station for a film shoot-related journey. The porter allegedly offered to help her reach another platform easily and misbehaved with her during the process. He claimed she could cross through an AC coach of a stationary train to avoid walking across the tracks, but after reaching the other side, when she tried to step down onto the track, he forcibly grabbed her, according to the complaint.