അബൂദബി: യുഎഇയുടെ സാംസ്കാരിക പൈതൃകം വിളിച്ചോതുന്ന ഷെയ്ഖ് സായിദ് ഫെസ്റ്റിവൽ 2025ന് അൽ വത്ബയിൽ തുടക്കം. ഇന്നലെയാണ് (2025 നവംബർ 1) പൈതൃകോത്സവത്തിന് തുടക്കമായത്. അബൂദബി മീഡിയ ഓഫീസാണ് ഇക്കാര്യം അറിയിച്ചത്. 

ഈ വർഷത്തെ ഷെയ്ഖ് സായിദ് ഫെസ്റ്റിവൽ 2025 നവംബർ 1 മുതൽ 2026 മാർച്ച് 22 വരെ നീണ്ടുനിൽക്കും. ഏകദേശം നാലര മാസമാണ് ഫെസ്റ്റിവൽ നടക്കുന്നത്. അറബിയിൽ സ്വാ​ഗതം എന്നർത്ഥം വരുന്ന "ഹയാകും" എന്ന പ്രമേയത്തിലാണ് ഇത്തവണത്തെ ഷെയ്ഖ് സായിദ് ഫെസ്റ്റിവൽ അറങ്ങേറുന്നത്. വൈവിധ്യമാർന്ന പരിപാടികളും പ്രവർത്തനങ്ങളുമാണ് ഇത്തവണ ഫെസ്റ്റിവലിൽ സന്ദർശകർക്കായി ഒരുക്കിയിട്ടുള്ളത്.

ALSO READ: ഷെയ്ഖ് സായിദ് റോഡിനെ അതി​ഗംഭീര സൈക്ലിം​ഗ് ട്രാക്കാക്കി ദുബൈ റൈഡ് 2025: പങ്കെടുക്കാനെത്തിയത് ആയിരങ്ങൾ

22 രാജ്യങ്ങളിൽ നിന്നുള്ള പങ്കാളിത്തം

22-ൽ അധികം രാജ്യങ്ങളിൽ നിന്നുള്ള 20,000-ത്തിലധികം പ്രദർശകരും പങ്കാളികളുമാണ് ഇത്തവണ മേളയിൽ അണിനിരക്കുന്നത്. ഇതിന്റെ ഭാഗമായി 4,000-ത്തിലധികം സാംസ്കാരിക പരിപാടികൾ അരങ്ങേറും. 

പവലിയനുകൾ: ഇരുപത്തിരണ്ട് രാജ്യങ്ങളുടെ ദേശീയ പവലിയനുകൾ, 750-ഓളം വലിയ ഷോകൾ തുടങ്ങിയവയും ഫെസ്റ്റിവലിൽ ഉണ്ടാകും.

പ്രവേശന സമയം

ഫെസ്റ്റിവലിലേക്കുള്ള പ്രവേശന സമയം താഴെക്കൊടുക്കുന്നു.

സാധാരണ ദിവസങ്ങളിൽ: വൈകുന്നേരം 4 മണി മുതൽ അർദ്ധരാത്രി വരെ.

വാരാന്ത്യങ്ങളിലും (Weekend) പൊതു അവധി ദിവസങ്ങളിലും: വൈകുന്നേരം 4 മണി മുതൽ പുലർച്ചെ 1 മണി വരെ.

The Sheikh Zayed Festival 2025 has commenced in Al Wathba, Abu Dhabi, celebrating the UAE's rich cultural heritage. The festival, which began on November 1, 2025, promises an exciting lineup of events, including musical performances, traditional activities, and fireworks displays.