ദുബൈ: ദുബൈ ഇൻ്റർനാഷണൽ അക്കാദമിക് സിറ്റിയിൽ പുതിയ പെയ്ഡ് പാർക്കിം​ഗ് സോൺ ആരംഭിച്ച് 'പാർക്കിൻ' (Parkin). നേരത്തെ, ദുബൈ സ്റ്റുഡിയോ സിറ്റിയിലും ഔട്ട്‌സോഴ്‌സ് സിറ്റിയിലും രണ്ട് പുതിയ സോണുകൾ പ്രഖ്യാപിച്ചിരുന്നു. ഇതിന് പിന്നാലെയാണ് ഇൻ്റർനാഷണൽ അക്കാദമിക് സിറ്റിയിലും പെയ്ഡ് പാർക്കിം​ഗ് സോൺ അവതരിപ്പിച്ചിരിക്കുന്നത്. 

അക്കാദമിക് സിറ്റിയിൽ 'കോഡ് എഫ്' പ്രകാരമായിരിക്കും പാർക്കിം​ഗ് നിരക്കുകൾ ഈടാക്കുക. പാർക്കിംഗ് ഏരിയകൾ വ്യക്തമാക്കിക്കൊണ്ടുള്ള ബോർഡുകൾ സ്ഥാപിച്ചിട്ടുണ്ടെന്ന് കമ്പനി എക്‌സിലെ പോസ്റ്റിൽ വ്യക്തമാക്കി. 

ALSO READ: യുഎഇ: ഗോൾഡൻ വിസ ഉടമകൾക്ക് വിദേശത്ത് പ്രത്യേക പരിരക്ഷ; നാല് പുതിയ സേവനങ്ങൾ പ്രഖ്യാപിച്ച് വിദേശകാര്യ മന്ത്രാലയം

പാർക്കിം​ഗ് നിരക്കുകൾ

പ്രവർത്തന സമയം: രാവിലെ 8 മുതൽ രാത്രി 10 വരെ

അര മണിക്കൂർ: 2 ദിർഹം

ഒരു മണിക്കൂർ: 4 ദിർഹം

രണ്ട് മണിക്കൂർ: 8 ദിർഹം

മൂന്ന് മണിക്കൂർ: 12 ദിർഹം

നാല് മണിക്കൂർ: 16 ദിർഹം

അഞ്ച് മണിക്കൂർ: 20 ദിർഹം

ആറ് മണിക്കൂർ: 24 ദിർഹം

ഏഴ് മണിക്കൂർ: 28 ദിർഹം

24 മണിക്കൂർ: 32 ദിർഹം

ALSO READ: ഫിഫ അറബ് കപ്പ് ഖത്തർ 2025: ആവേശത്തിൽ ഖത്തർ; പന്തുരുളാൻ ഇനി ഒരു മാസം

പ്രതിമാസ/വാർഷിക സബ്‌സ്‌ക്രിപ്‌ഷൻ നിരക്കുകൾ

ഒരു മാസം: 315 ദിർഹം

3 മാസം: 840 ദിർഹം

6 മാസം: 1,680 ദിർഹം

ഒരു വർഷം: 2,940 ദിർഹം

ദുബൈയിലെ തിരക്കേറിയ വാണിജ്യ കേന്ദ്രങ്ങളിലെ ഗതാഗതക്കുരുക്ക് കുറയ്ക്കുന്നതിനായി, അടുത്ത രണ്ട് വർഷത്തിനുള്ളിൽ ബഹുനില കാർ പാർക്കിംഗ് കെട്ടിടങ്ങൾ നിർമ്മിക്കുമെന്ന് പാർക്കിൻ പ്രഖ്യാപിച്ചിരുന്നു. 

നിലവിൽ ഔദ് മേത്ത, അൽ ജാഫിലിയ, ബനിയാസ്, നായിഫ്, അൽ ഗുബൈബ, അൽ സത്‌വ, അൽ റിഗ്ഗ എന്നിവിടങ്ങളിലുള്ള ബഹുനില കാർ പാർക്കിംഗ് കെട്ടിടങ്ങളിലായി 3,651 പാർക്കിംഗ് സ്ഥലങ്ങളാണ് 'പാർക്കിൻ' പ്രവർത്തിപ്പിക്കുന്നത്.

Parkin has announced the launch of a new paid parking zone in Dubai International Academic City, expanding its services in the emirate. This move comes after the introduction of paid parking zones in Dubai Studio City and Outsourcing City.