കണ്ണൂര്‍: നബിദിന ഘോഷയാത്ര ആശാസ്യകരമല്ലാതെ നടന്നാല്‍ അതിനെ സി.പി.എം എതിര്‍ക്കുമെന്നു ജില്ലാ സെക്രട്ടറി പി ജയരാജന്‍. ഹിന്ദു മതവിശ്വാസികളെ മതഭ്രാന്തിലേക്കു നയിക്കാന്‍ ആര്‍.എസ്.എസ് ശ്രമിക്കുമ്പോള്‍ അതിനെ കമ്യൂണിസ്റ്റുകാര്‍ എതിര്‍ത്തതു പോലെ ഈ നാട്ടിലെ ഇസ്‌ലാം മത വിശ്വാസികള്‍ക്കിടയില്‍ ആരെങ്കിലും മതഭ്രാന്ത് പ്രചരിപ്പിക്കാന്‍ ശ്രമിക്കുന്നുണ്ടെങ്കില്‍ അതിനെയും എതിര്‍ക്കും. മയ്യില്‍ പാവന്നൂര്‍ മൊട്ടയില്‍ സിപി.എമ്മില്‍ ചേര്‍ന്നവര്‍ക്കു നല്‍കിയ സ്വീകരണം ഉദ്ഘാടനം ചെയ്യുകയായിരുന്നു ജയരാജന്‍.
പി.വി ബാലകൃഷ്ണന്‍ അധ്യക്ഷനായി. എ.എന്‍ ഷംസീര്‍ എം.എല്‍.എ, ബിജു കണ്ടക്കൈ സംസാരിച്ചു.