അബൂദബി: യുഎഇയിലെ സാമ്പത്തിക നിക്ഷേപ മേഖലയിലെ തട്ടിപ്പുകൾക്കെതിരെ മുന്നറിയിപ്പ് നൽകിയിരിക്കുകയാണ് യുഎഇ സെക്യൂരിറ്റീസ് ആൻഡ് കമ്മോഡിറ്റീസ് അതോറിറ്റി (SCA). എമിറേറ്റ്‌സ് ഇൻവെസ്റ്റ്‌മെന്റ് ബാങ്കായി (Emirates Investment Bank) ആൾമാറാട്ടം നടത്തി ക്ലോൺ ചെയ്ത വെബ്‌സൈറ്റ് ഉപയോ​ഗിച്ച് പ്രവർത്തിക്കുന്ന ഒരു അജ്ഞാത സ്ഥാപനത്തെക്കുറിച്ചാണ് മുന്നറിയിപ്പ് നൽകിയിരിക്കുന്നത്. SCA-യുടെയും മറ്റ് സ്ഥാപനങ്ങളുടെയും ലോഗോ ഉപയോഗിച്ച് ഇവർ വ്യാജ രേഖകൾ പ്രചരിപ്പിക്കുന്നതായും മുന്നറിയിപ്പിൽ വ്യക്തമാക്കുന്നു. 

തട്ടിപ്പിന്റെ രീതി

www.uaeinvbank.com പോലുള്ള വെബ്‌സൈറ്റുകൾ ഉപയോഗിച്ചാണ് തട്ടിപ്പ് സംഘം എമിറേറ്റ്‌സ് ഇൻവെസ്റ്റ്‌മെന്റ് ബാങ്കായി ഉപഭോക്താക്കളെ തെറ്റിദ്ധരിപ്പിക്കുന്നത്.

ALSO READ: യുഎഇ ദേശീയ ദിനം: ഡിസംബർ 1, 2 തീയതികളിൽ സർക്കാർ ജീവനക്കാർക്ക് അവധി; ഷിഫ്റ്റ് അടിസ്ഥാനത്തിൽ ജോലി ചെയ്യുന്നവർക്ക് ഇളവ് ബാധകമല്ല

അതേസമയം, ഈ സ്ഥാപനത്തിന് യുഎഇയിൽ നിക്ഷേപ സേവനങ്ങൾ നൽകാൻ ലൈസൻസ് ഇല്ലെന്നും, ഏതെങ്കിലും കരാറുകളിൽ ഒപ്പിടുന്നതിനോ ഫണ്ട് കൈമാറ്റം ചെയ്യുന്നതിനോ മുമ്പ് കമ്പനിയുടെ ലൈസൻസ് നിലവിലെ സ്റ്റാറ്റസ് എന്നിവ പരിശോധിക്കണമെന്നും SCA വ്യക്തമാക്കുന്നു. ലൈസൻസുള്ള എല്ലാ സ്ഥാപനങ്ങളുടെയും പട്ടിക SCA-യുടെ ഔദ്യോഗിക വെബ്‌സൈറ്റിൽ ലഭിക്കും. 

ഈ മാസം ആദ്യം, ട്രേഡിംഗ് ആപ്പുകൾ ഉപയോഗിക്കുമ്പോൾ ജാഗ്രത പാലിക്കണമെന്ന് എസ്‌സി‌എ നിക്ഷേപകർക്ക് മുന്നറിയിപ്പ് നൽകിയിരുന്നു. ലൈസൻസ് ഇല്ലാത്ത പല സ്ഥാപനങ്ങളുടെയും ട്രേഡിങ് ആപ്പുകൾ ഉപയോഗിക്കുന്നത് നിയമ കുരുക്കുകൾക്ക് വഴിയൊരുക്കാം. നിയമവിരുദ്ധ പ്രവർത്തനങ്ങൾക്കായി ഇത്തരം ആപ്പുകൾ ഉപയോഗിക്കുന്നത് കള്ളപ്പണം വെളുപ്പിക്കൽ (AML) നിയമങ്ങൾ ലംഘിച്ചതിനും കേസെടുക്കാൻ സാധ്യതയുണ്ട്.

The UAE Securities and Commodities Authority (SCA) has issued a warning about fraudulent investment schemes, including an unknown entity impersonating Emirates Investment Bank (EIBANK) through a cloned website. The SCA advises investors to verify licenses and be cautious of unsolicited offers, fake websites, and unregistered firms.