ദുബൈ: 30-ാമത് ദുബൈ വേൾഡ് കപ്പിനുള്ള ടിക്കറ്റ് വിൽപന ആരംഭിച്ചു. 2026 മാർച്ച് 28-ന് മെയ്ദാൻ റേസ് കോഴ്സിൽ വെച്ചാണ് ദുബൈ വേൾഡ് കപ്പ് നടക്കുന്നത്. ഈ അവസരത്തിൽ, 2025 ഡിസംബർ 31-ന് മുമ്പ് ടിക്കറ്റുകൾ വാങ്ങുന്നവർക്ക് പ്രത്യേക ഇളവുകളോടെ ടിക്കറ്റുകൾ സ്വന്തമാക്കാനാവും. 

ദുബൈയിലെ ഏറ്റവും പ്രധാനപ്പെട്ടതും ആകർഷകവുമായ പരിപാടികളിൽ ഒന്നാണിത്. ഒമ്പത് ലോകോത്തര റേസുകളിലായി ആകെ 30.5 മില്യൺ ഡോളറാണ് സമ്മാനത്തുക. ലോകമെമ്പാടുമുള്ള മികച്ച കുതിരകളും ജോക്കികളും പരിശീലകരും ഈ മത്സരത്തിൽ പങ്കെടുക്കും.

ടിക്കറ്റ് വിവരങ്ങൾ

ഓൺലൈനായി ടിക്കറ്റുകൾ വാങ്ങുന്നവർക്ക് ഡിസംബർ 31 വരെ ഇളവുകൾ ലഭിക്കും. അതിനുശേഷം ടിക്കറ്റുകളുടെ സാധാരണ വില പ്രാബല്യത്തിൽ വരും.

പൊതുപ്രവേശനം 

നിലവിലെ വില: 40 ദിർഹം (ഓൺലൈനിൽ വാങ്ങുമ്പോൾ).

ഏപ്രൺ വ്യൂസ് 

റേസ് ട്രാക്കിന്റെ കാഴ്ചയും പാർട്ടി അന്തരീക്ഷവും ഭക്ഷണ വിഭവങ്ങളുമുള്ള പ്രധാന ഇടം.

• നിലവിലെ നിരക്ക്: 280 ദിർഹം (യഥാർത്ഥ വില: 450 ദിർഹം).

ഗ്രാൻഡ് ഗാലപ്പ് മെഗാ ബ്രഞ്ച് 

സ്കൈബബിളിനുള്ളിൽ അഞ്ച് മണിക്കൂർ നീളുന്ന ബ്രഞ്ച് പാക്കേജ്. ഇവിടെനിന്ന് റേസ് കോഴ്സിന്റെയും ദുബൈ നഗരത്തിന്റെയും മികച്ച കാഴ്ച ആസ്വദിക്കാം.

• നിലവിലെ നിരക്ക്: 699 ദിർഹം മുതലാണ് പാക്കേജുകൾ ആരംഭിക്കുന്നത്.

ALSO READ: നിക്ഷേപകർ സൂക്ഷിക്കുക; എമിറേറ്റ്‌സ് ഇൻവെസ്റ്റ്‌മെന്റ് ബാങ്കെന്ന വ്യാജേന തട്ടിപ്പ്; മുന്നറിയിപ്പുമായി SCA

ദി ഗാലറി

ഉച്ചതിരിഞ്ഞുള്ള ചായ, വിഭവസമൃദ്ധമായ ബുഫെ, പാനീയങ്ങൾ എന്നിവ ലഭിക്കും.

• മുതിർന്നവർക്ക്: 1,120 ദിർഹം (യഥാർത്ഥ വില: 1,400 ദിർഹം).
• കുട്ടികൾക്ക്: 360 ദിർഹം.

ഫാർ ടേൺ ടെറസ് 

മൂന്നാം നിലയിൽ നിന്നുള്ള കാഴ്ചകൾ, ഔട്ട്‌ഡോർ സീറ്റിംഗ്, രാജ്യാന്തര ഭക്ഷണ വിഭവങ്ങൾ എന്നിവയുള്ള പുതിയ വിഭാഗമാണിത്.

• മുതിർന്നവർക്ക്: 2,080 ദിർഹം (യഥാർത്ഥ വില: 2,600 ദിർഹം).
• കുട്ടികൾക്ക്: 360 ദിർഹം.

ദി ടെറസ് 

മെയ്ദാനിലെ പ്രധാന കാഴ്ചാ സ്ഥലങ്ങളിൽ ഒന്ന്. ഉച്ചതിരിഞ്ഞുള്ള ചായയും മികച്ച ഡിന്നറും ഇവിടെയുണ്ടാകും. ഇവിടെ രണ്ട് വിഭാഗങ്ങളായി തിരിച്ചിച്ചിട്ടുണ്ട്.

• വിഭാഗം 1: നിലവിലെ വില 2,400 ദിർഹം (യഥാർത്ഥ വില: 3,000 ദിർഹം); കുട്ടികൾക്ക് 360 ദിർഹം.
• വിഭാഗം 2: കോർപ്പറേറ്റ് ബുക്കിംഗിന് അനുയോജ്യം. 10 പേർക്കുള്ള ടേബിളുകൾ ബുക്ക് ചെയ്യാം. ഒരാൾക്ക് 2,880 ദിർഹം (യഥാർത്ഥ വില: 3,600 ദിർ​ഹം).

The 30th edition of offersthe Dubai World Cup is set to take place on March 28, 2026, at the iconic Meydan Racecourse. Tickets are now available for purchase, with early bird offers until December 31, 2025.