കടുത്തുരുത്തി: മോഷണം നടത്താന്‍ ശ്രമിച്ച അന്യസംസ്ഥാനക്കാരനെ നൈറ്റ് പട്രോളിംഗിനെത്തിയ എസ്.ഐ പിടികൂടി. കുറുപ്പന്തറ കടവില്‍ പ്രവര്‍ത്തിക്കുന്ന ജെയിംസിന്റെ സ്റ്റേഷനറി കടയിലാണ് പ്രതി മോഷണം നടത്താന്‍ ശ്രമിച്ചത്. ആസാം സ്വദേശി രാജാറാം മുഛാഹരി (36) ആണ് അറസ്റ്റിലായത്. ബുധനാഴ്ച്ച പുലര്‍ച്ചെയാണ് സംഭവം. കട തുറന്നു കിടക്കുന്നത് കണ്ട് ജീപ്പ് നിര്‍ത്തി നോക്കിയപ്പോള്‍ കടയ്ക്കുള്ളില്‍ നിന്നും പ്രതി ഇറങ്ങി ഓടുകയായിരുന്നു. പുറകെ ഓടിയാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.