ആലപ്പുഴ : ആലപ്പുഴ കായംകുളത്ത് സി.പി.ഐ നേതാവിന് വെട്ടേറ്റു. കായംകുളം നഗരസഭ മുന്‍ അംഗവും സി.പി.ഐ നേതാവുമായ എ.ഷിജിക്കാണ് വെട്ടേറ്റത്. എസ്. എഫ്. ഐ- എ.എസ്. എഫ്. ഐ സംഘര്‍ഷത്തിലാണ് ഷിജിക്ക് വെട്ടേറ്റത്.

കായംകുളം വനിതാ പോളിടെക്‌നിക് കോളേജില്‍ എ.എസ്.എഫ്.ഐ ഒറ്റക്ക് മത്സരിച്ച് ജയിച്ചതിനെ തുടര്‍ന്നാണ് സംഘര്‍ഷമുണ്ടായത്.

തലയില്‍ കാര്യമായി വെട്ടേറ്റ ഷിജിയെ ആദ്യം കായംകുളം താലുക്ക് ആശുപത്രിയിലും പിന്നീട് ആലപ്പുഴ മെഡിക്കല്‍ കോളേജിലേക്കും കൊണ്ടുപോയി. സി.പി.എമ്മിന് സംഭവത്തില്‍ പങ്കില്ലെന്ന് നേതാക്കള്‍ പറഞ്ഞു.