ലഖിംപൂര്‍ ഖേരി: ഉത്തര്‍പ്രദേശിലെ ലഖിംപൂര്‍ ഖേരി ജില്ലയില്‍ വിവാഹാഘോഷത്തിനിടെ മൂന്നു വയസ്സുകാരിയെ അതിക്രൂരമായി ബലാത്സംഗം ചെയ്തു. പ്രതിയായ 36കാരനെ പൊലിസ് അറസ്റ്റ് ചെയ്തു. മാട്ടൗള്‍ പൊലിസ് സ്റ്റേഷന്‍ പരിധിയിലുള്ള ഗ്രാമത്തിലാണ് സംഭവമുണ്ടായത്.
 

സംഭവിച്ചത് ഇത്
വിവാഹ ഘോഷ യാത്ര വധുവിന്റെ വീട്ടിലെത്തുന്നു. ആ സമയത്ത് വധുവിന്റെ വീട്ടുകാര്‍ വരന്റെ വീട്ടുകാരെ സ്വീകരിക്കുന്ന തിരക്കിലായിരുന്നു. പുറത്ത് കുട്ടികളുമൊത്ത് കളിക്കുകയായിരുന്നു മൂന്നു വയസ്സുകാരി. ആ സമയം അവിടെയെത്തിയ ുപ്രതി മൂന്നുവയസ്സുകാരിയെ അവിടെ നിന്ന് എടുത്ത് കൊണ്ടു പോവുന്നു. വധുവിന്റെ സഹോദരന്റെ മകളായിരുന്നു കുട്ടി. 

കുറച്ചുകഴിഞ്ഞാണ് പെണ്‍കുട്ടിയെ കാണാനില്ലെന്ന് വീട്ടുകാര്‍ മനസിലാക്കുന്നത്. തുടര്‍ന്ന് നടത്തിയ തിരച്ചിലില്‍ ഏകദേശം രണ്ട് മണിക്കൂറിന് ശേഷം വീട്ടില്‍ നിന്ന് 300 മീറ്റര്‍ അകലെ ഗ്രാമവാസിയായ ശ്യാംപാല്‍(36) എന്ന യുവാവിനൊപ്പം കുട്ടിയെ കണ്ടു. കുട്ടി അബോധാവസ്ഥയിലായിരുന്നു. ഇയാളുടെ അലങ്കോലമായ വസ്ത്രങ്ങളും പെണ്‍കുട്ടിയുടെ വസ്ത്രത്തിലെ രക്തക്കറകളും കണ്ടതോടെ വീട്ടുകാര്‍ക്ക് സംശയമായി.  കുടുംബം ഉടന്‍ തന്നെ ഭിഖാംപൂര്‍ പൊലിസ് ഔട്ട്പോസ്റ്റില്‍ വിവരമറിയിക്കുകയായിരുന്നു.

ALSO READ: ഡിസംബര്‍ ആറിന് ബാബരി മസ്ജിദിന് തറക്കല്ലിടും: തൃണമൂല്‍ എം.എല്‍.എ

പ്രതിയെ കോടതിയില്‍ ഹാജരാക്കി.  തുടര്‍ന്ന് ജയിലിലേക്ക് അയക്കുകയും ചെയ്തു. പെണ്‍കുട്ടി ജില്ലാ വനിതാ ആശുപത്രിയില്‍ ചികിത്സയിലാണ്. 

പുലര്‍ച്ചെ ഒരു മണിയോടെയാണ് സംഭവത്തെക്കുറിച്ച് പൊലീസിന് വിവരം ലഭിച്ചതെന്ന് സ്റ്റേഷന്‍ ഓഫിസര്‍ രവീന്ദ്ര സോങ്കര്‍ പറഞ്ഞു. കുട്ടിയെ ആദ്യം സമീപത്തുള്ള കമ്മ്യൂണിറ്റി ഹെല്‍ത്ത് സെന്ററിലാണ് (സിഎച്ച്‌സി) പ്രവേശിപ്പിച്ചത്. പിന്നീടാണ് ജില്ലാ വനിതാ ആശുപത്രിയിലേക്ക് മാറ്റിയത്. പെണ്‍കുട്ടിയുടെ നില ഗുരുതരമാണെന്നും വിദഗ്ധ ചികിത്സക്കായി ലഖ്നൗവിലേക്ക് റഫര്‍ ചെയ്തതായും സര്‍ക്കിള്‍ ഓഫിസര്‍ യാദവേന്ദ്ര പറഞ്ഞു. പ്രതിക്കെതിരെ പോക്‌സോ നിയമപ്രകാരവും എസ്സി/എസ്ടി നിയമപ്രകാരവും കേസെടുത്തിട്ടുണ്ട്.

यूपी –
जिला लखीमपुर खीरी में शादी समारोह में आई 3 साल की बच्ची से रेप, आरोपी श्यामलाल गिरफ्तार !!

बच्ची की हालत नाजुक, लखनऊ रेफर किया।

दुल्हन की भतीजी घर के बाहर खेल रही थी, तभी श्यामलाल उसको गोदी में उठाकर ले गया और दरिंदगी की।

— Sachin Gupta (@SachinGuptaUP) November 23, 2025

a three-year-old girl was assaulted during a wedding celebration in uttar pradesh. police have arrested the accused, and the child is undergoing critical medical treatment. an investigation is underway to ensure justice and child safety.