തിരുവനന്തപുരം: കേരളത്തിലെ തീവ്ര വോട്ടർ പട്ടിക പരിഷ്കരണത്തെക്കുറിച്ച് (എസ്ഐആർ) തെരഞ്ഞെടുപ്പ് കമ്മിഷൻ വിളിച്ചുചേർത്ത രാഷ്ട്രീയ പാർട്ടി പ്രതിനിധികളുടെ യോഗത്തിൽ പരാതി പ്രവാഹം. ഫോം വിതരണത്തിന്റെയും ഡിജിറ്റലൈസേഷന്റെയും പുരോഗതി വിലയിരുത്താനാണ് കമ്മിഷൻ യോഗം വിളിച്ചത്. തദ്ദേശ വോട്ടെടുപ്പ് ദിവസം തന്നെ കരട് വോട്ടർ പട്ടിക പ്രസിദ്ധീകരിക്കാനുള്ള തീരുമാനത്തിനെതിരെ കോൺഗ്രസും ഇടതുപാർട്ടികളും ശക്തമായി രംഗത്തെത്തി. എസ്ഐആർ പുരോഗതി വിലയിരുത്താൻ തെരഞ്ഞെടുപ്പ് കമ്മിഷൻ വിളിച്ച പ്രതിവാര യോഗത്തിലാണ് രാഷ്ട്രീയ പാർട്ടികൾ ആശങ്കയും പരാതികളും ഉന്നയിച്ചത്.

ALSO READ: ഭൂമി തരംമാറ്റലിന് എട്ട് ലക്ഷം രൂപ കൈക്കൂലിയായി നൽകണം; വില്ലേജ് ഓഫീസർ പിടിയിൽ  

പ്രധാന ആവശ്യങ്ങൾ

കരട് പട്ടിക: ഡിസംബർ ഒൻപതിന് തദ്ദേശ വോട്ടെടുപ്പിന്റെ ആദ്യ ഘട്ട പോളിങ് നടക്കുന്ന ദിവസം തന്നെ കരട് വോട്ടർ പട്ടിക പ്രസിദ്ധീകരിക്കാനുള്ള കമ്മിഷൻ്റെ നീക്കത്തിനെതിരെ കോൺഗ്രസും ഇടതുപാർട്ടികളും രംഗത്തെത്തി.

സാങ്കേതിക തടസ്സം: ഫോം ഡിജിറ്റലൈസ് ചെയ്യുന്നതിലെ സാങ്കേതിക തടസ്സങ്ങളും കോടതിയിൽ നിന്ന് അനുകൂല നിലപാട് ലഭിക്കാത്തതിലെ ആശങ്കകളും യോഗത്തിൽ ഉന്നയിക്കപ്പെട്ടു.

ALSO READ: തദ്ദേശ തിരഞ്ഞെടുപ്പ്: ഉമ്മയും മകനും ഒരേ ചിഹ്നത്തിൽ ജനവിധി തേടുന്നു

സമയം നീട്ടണം: എസ്ഐആർ ഫോം വിതരണ പ്രക്രിയ പൂർത്തിയാക്കാൻ ഇനി അഞ്ച് ദിവസമാണ് ബാക്കിയുള്ളത്. 7.61 ലക്ഷം പേരുടെ ഫോമുകൾ ഇനിയും തിരികെ ലഭിക്കാനുണ്ട്. ഈ സാഹചര്യത്തിൽ ഫോം വിതരണ പ്രക്രിയയുടെ സമയം നീട്ടി നൽകണമെന്ന് രാഷ്ട്രീയ പാർട്ടികൾ ആവശ്യപ്പെട്ടു.

പൗരത്വ ആശങ്ക: തിരിച്ചറിയൽ രേഖകൾ ഹാജരാക്കാൻ കഴിയാത്തവർ രാജ്യത്തെ പൗരന്മാരല്ലെന്ന് കണക്കാക്കി നാടുകടത്തുമെന്ന ആശങ്ക ജനങ്ങളിലുണ്ടെന്നും, എസ്ഐആർ ആളുകളിൽ ഭയമുണ്ടാക്കുന്നത് ഇതുകൊണ്ടാണെന്നും മുസ്ലിം ലീഗ് പ്രതിനിധി ചൂണ്ടിക്കാട്ടി.

എസ്ഐആർ പ്രസക്തി: ഫോം ഒപ്പിട്ടവരെല്ലാം കരട് പട്ടികയിൽ വന്നാൽ എസ്ഐആറിൻ്റെ പ്രസക്തി എന്താണെന്നായിരുന്നു ബിജെപി പ്രതിനിധി ജെആർ പത്മകുമാറിൻ്റെ ചോദ്യം. ഇആർഓയ്ക്ക് സംശയം തോന്നാത്തവരെല്ലാം അന്തിമ പട്ടികയിൽ വരുമെങ്കിൽ എസ്ഐആർ എന്തിനെന്നും അദ്ദേഹം ചോദിച്ചു.

മറുപടി

"അർഹരായ ആരെയും വോട്ടർപട്ടികയിൽ നിന്ന് ഒഴിവാക്കില്ലെന്ന് ഉറപ്പ് നൽകുന്നു. ആശങ്കയുള്ളവരുടെ പട്ടിക രാഷ്ട്രീയ പാർട്ടികൾ നൽകിയാൽ അവരെ കമ്മീഷൻ നേരിട്ട് സഹായിക്കും," എന്ന് സിഇഒ രത്തൻ ഖേൽക്കർ വ്യക്തമാക്കി. 2002-ലെ പട്ടികയിലുള്ള 91 ശതമാനം പേരെയും ഒത്തുനോക്കാൻ കഴിഞ്ഞെന്നാണ് കമ്മിഷൻ്റെ കണക്ക്. കരട് പട്ടിക പ്രസിദ്ധീകരിക്കുന്നതിന് മുമ്പ് രാഷ്ട്രീയ പാർട്ടികളുടെ യോഗം വീണ്ടും വിളിക്കുമെന്നും കമ്മിഷൻ അറിയിച്ചു.

The Special Intensive Revision (SIR) of Kerala's electoral roll is nearing its deadline, with only five days remaining to complete the distribution and digitization of forms. A meeting convened by the Election Commission with representatives of political parties saw a flood of complaints and concerns, including: