കോഴിക്കോട്: ഭൂമി തരംമാറ്റത്തിന് കൈക്കൂലി ആവശ്യപ്പെട്ട കേസിൽ വില്ലേജ് ഓഫീസർ വിജിലൻസിന്റെ പിടിയിലായി. കോഴിക്കോട് ഒളവണ്ണ വില്ലേജ് ഓഫീസറായ ഉല്ലാസ്‌മോൻ ആണ് വിജിലൻസ് സംഘത്തിന്റെ കെണിയിൽ കുടുങ്ങിയത്. എറണാകുളം കോതമംഗലം സ്വദേശിയാണ് ഇയാൾ.

1.62 ഏക്കർ ഭൂമി തരംമാറ്റി നൽകുന്നതിന് ഉല്ലാസ്‌മോൻ പരാതിക്കാരനോട് എട്ട് ലക്ഷം രൂപയാണ് കൈക്കൂലിയായി ആവശ്യപ്പെട്ടത്. കോഴിക്കോട് സ്വദേശിയാണ് പരാതിക്കാരൻ.

ALSO READ: കേരളത്തിൽ എസ്ഐആർ ഫോം വിതരണം പൂർത്തിയാക്കാൻ ഇനി അഞ്ച് ദിവസം മാത്രം; തെരഞ്ഞെടുപ്പ് കമ്മിഷൻ വിളിച്ചുചേർത്ത യോഗത്തിൽ പരാതി പ്രവാഹം

 കൈക്കൂലി തുകയുടെ ആദ്യ ഗഡുവായ 50,000 രൂപ കൈമാറുന്നതിനിടെയാണ് വില്ലേജ് ഓഫീസറെ വിജിലൻസ് അറസ്റ്റ് ചെയ്തത്. റവന്യൂ ഓഫീസുകളിലെ കൈക്കൂലി സംബന്ധിച്ച പരാതികളെ തുടർന്ന് വിജിലൻസ് നിരീക്ഷണം ശക്തമാക്കുന്നതിനിടെയാണ് വില്ലേജ് ഓഫീസർ പിടിയിലായത്.

Olavanna Village Officer Ullasmon was arrested by the Vigilance department in Kozhikode for demanding an ₹8 lakh bribe to reclassify 1.62 acres of land. He was caught red-handed while accepting the first installment of ₹50,000.