തിരുവനന്തപുരം: രാഹുൽ മാങ്കൂട്ടത്തിലിനെതിരെ പരാതി നൽകിയ അതിജീവിതയെ അപമാനിക്കുന്നവർക്കെതിരെ കർശന നടപടി എടുക്കണമെന്ന് സംസ്ഥാന പൊലിസ് മേധാവി (ഡിജിപി) റവാഡ ചന്ദ്രശേഖർ ജില്ലാ പൊലിസ് മേധാവിമാർക്ക് നിർദേശം നൽകി. അതിജീവിതയെ അപമാനിക്കുന്ന തരത്തിലുള്ള സാമൂഹ്യ മാധ്യമ അക്കൗണ്ടുകൾ നിരീക്ഷിക്കണമെന്നും, ആവശ്യമെങ്കിൽ പ്രതികളുടെ ഡിജിറ്റൽ ഉപകരണങ്ങൾ പിടിച്ചെടുക്കണമെന്നും ഡിജിപി നിർദേശിച്ചിട്ടുണ്ട്.

രാഹുൽ മാങ്കൂട്ടത്തിലിനെതിരെ മുഖ്യമന്ത്രിക്ക് പരാതി നൽകിയതിന് പിന്നാലെ അതിജീവിതയ്ക്ക് നേരെ വലിയ രീതിയിലുള്ള സൈബർ ആക്രമണമാണ് നടക്കുന്നത്. അതിജീവിതയുടെ ഐഡന്റിറ്റി പുറത്തുവിട്ടതുമായി ബന്ധപ്പെട്ട് രാഹുൽ ഈശ്വർ, സന്ദീപ് വാര്യർ എന്നിവർ ഉൾപ്പെടെയുള്ള നാല് പേർക്കെതിരെ സൈബർ പൊലിസ് നേരത്തെ കേസെടുത്തിരുന്നു. ഇതിന് പിന്നാലെയാണ് സൈബർ ആക്രമണം നടത്തുന്നവർക്കെതിരെ കടുത്ത നടപടിക്ക് ഡിജിപി ഉത്തരവിട്ടത്.

ALSO READ: അതിജീവിതയെ അധിക്ഷേപിച്ച കേസ്: രാഹുൽ ഈശ്വറിൻ്റെ അറസ്റ്റ് രേഖപ്പെടുത്തി; കേസിൽ നാല് പ്രതികൾ

അതിജീവിതയെ അപമാനിച്ച കേസിൽ മഹിളാ കോൺഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കൽ ആണ് ഒന്നാം പ്രതി. അഡ്വ. ദീപാ ജോസഫ് രണ്ടാം പ്രതിയും ദീപ ജോസഫ് മൂന്നാം പ്രതിയുമാണ്. അഞ്ചാം പ്രതിയായ രാഹുൽ ഈശ്വറിനെ സൈബർ പോലീസ് കസ്റ്റഡിയിലെടുത്ത് ചോദ്യം ചെയ്ത ശേഷം അറസ്റ്റ് രേഖപ്പെടുത്തി.

പരാതിക്കാരിയുടെ വ്യക്തിഗത വിവരങ്ങൾ വെളിപ്പെടുത്തുക, സ്ത്രീത്വത്തെ അപമാനിക്കൽ, ഭീഷണിപ്പെടുത്തൽ അടക്കമുള്ള കുറ്റങ്ങളാണ് ഇവർക്കെതിരെ ചുമത്തിയിട്ടുള്ളത്. അതിജീവിതയ്‌ക്കെതിരായ സൈബർ അതിക്രമത്തിലെ പോലീസ് നടപടിയെ തുടർന്നാണ് രാഹുൽ ഈശ്വറിനെ കസ്റ്റഡിയിലെടുത്തത്. നിലവിൽ എ ആർ ക്യാമ്പിലെത്തിച്ചാണ് ഇദ്ദേഹത്തെ ചോദ്യം ചെയ്യുന്നത്. രാഹുൽ ഈശ്വറിന്റെ ഫോൺ ഉൾപ്പെടെയുള്ള ഇലക്ട്രോണിക് ഉപകരണങ്ങൾ പോലീസ് കസ്റ്റഡിയിലെടുത്തിട്ടുണ്ട്.

രാഹുൽ മാങ്കൂട്ടത്തിൽ ലൈംഗികമായി അതിക്രമിച്ചുവെന്ന് കാട്ടി മുഖ്യമന്ത്രിക്ക് പരാതി നൽകിയതിന് പിന്നാലെയാണ് അതിജീവിതക്കെതിരെ സൈബർ ആക്രമണം രൂക്ഷമായത്. ഇതേത്തുടർന്ന് യുവതി നൽകിയ പരാതിയിൽ കേസെടുക്കാൻ എഡിജിപി എച്ച് വെങ്കിടേഷ് നിർദേശം നൽകിയിരുന്നു.

The Director General of Police (DGP) issued a directive to all district police chiefs, ordering strict action against anyone found insulting the survivor who filed a complaint against Rahul Mankuttathil. The order also includes a provision to monitor social media accounts and seize digital devices if necessary, targeting the severe cyber-attacks the survivor has faced since the complaint was lodged.