കാസര്‍കോട്: ജനറല്‍ ആശുപത്രിയില്‍ ഗുണ്ടാ സംഘങ്ങള്‍ തമ്മില്‍ ഏറ്റുമുട്ടി. ചെമ്മനാട്, കീഴൂരില്‍ നിന്നുള്ള യുവാക്കളുടെ സംഘമാണ് ഏറ്റുമുട്ടിയത്. അത്യാഹിത വിഭാഗം, ഒപി കൗണ്ടര്‍ എന്നിവിടങ്ങളില്‍ നിന്ന് ഇരു വിഭാഗവും കൊമ്പുകോര്‍ത്തതോടെ ഏതാണ്ട് അര മണിക്കൂറോളം ആശുപത്രിയില്‍ ഒപി അത്യാഹിത വിഭാഗങ്ങളുടെ പ്രവര്‍ത്തനം തടസപ്പെട്ടുവെന്ന് കാഷ്വാലിറ്റി മെഡിക്കല്‍ ഓഫിസര്‍ മുഹമ്മദ് നിസാര്‍ പറഞ്ഞു.

എട്ട് പേരെ കാസര്‍കോട് ടൗണ്‍ പൊലിസ് അറസ്റ്റ് ചെയ്തു. ഡോക്ടര്‍മാരുടെയും നഴ്‌സുമാരുടെയും ജീവനക്കാരുടെയും ഔദ്യോഗിക കൃത്യനിര്‍വഹണം തടസപ്പെടുത്തിയെന്നും പരാതിയുണ്ട്. മാങ്ങാട് ബാര പട്ടത്തൊടി ഷബീര്‍ അലി (28), ചെമ്മനാട് കൂമനടുക്കം പി ജഗദീഷ് കുമാര്‍ (34), കീഴൂര്‍ പടിഞ്ഞാറിലെ കണ്ടത്തില്‍ ഹൗസില്‍ അഹമ്മദ് ഷാനവാസ് (28), ചെമ്മനാട് കൂമനടുക്കം സി കെ. അജേഷ് (27), കുഞ്ഞഹമ്മദ് (34), അബ്ദുല്‍ ഷഫീര്‍(31), മുഹമ്മദ് അഫ്‌നാന്‍ (19) കീഴൂരിലെ സൈദ് അഫ്രീദ് ( 27)എന്നിവര്‍ക്കെതിരെയാണ് കേസെടുത്തത്.

A violent clash between youth gangs from Chemmanad and Kizhur disrupted operations at Kasaragod General Hospital, affecting the OP and emergency departments for nearly half an hour. Police arrested eight individuals, including Shabeer Ali, P. Jagadeesh Kumar, Ahmad Shanavas, C.K. Ajesh, and others, following complaints that doctors, nurses, and staff were obstructed in performing their duties. Investigation and legal proceedings are underway.