ദുബൈ: തിങ്കളാഴ്ച രാവിലെ ദുബൈയിലും ഷാർജയിലും നിരവധി റോഡ് അപകടങ്ങളും വാഹനങ്ങളുടെ തിരക്കും കാരണം വലിയ ഗതാഗതക്കുരുക്കാണ് അനുഭവപ്പെട്ടത്. ദുബൈയിലേക്കുള്ള വാഹനങ്ങളെ ഇത് സാരമായി ബാധിച്ചതായി, ഗൂഗിൾ മാപ്‌സിലെ തത്സമയ ഡാറ്റ വ്യക്തമാക്കുന്നു. 

ദുബൈയിലേക്കുള്ള പ്രധാന പാതകളിൽ കുരുക്ക്

ദുബൈയിലേക്ക് പ്രവേശിക്കുന്ന പ്രധാന പാതകളിലാണ് ഗതാഗതക്കുരുക്ക് ഏറ്റവും രൂക്ഷമായത്. അൽ ഇത്തിഹാദ് സ്ട്രീറ്റ്, ഷെയ്ഖ് മുഹമ്മദ് ബിൻ സായിദ് റോഡ് (E311) എന്നീ റോഡുകളിൽ വാഹനങ്ങളുടെ നീണ്ട നിര രൂപപ്പെട്ടു.

അൽ ഇത്തിഹാദ് സ്ട്രീറ്റിൽ: ഷാർജയിൽ നിന്ന് വരുന്ന യാത്രക്കാർക്ക് ദുബൈയിലെ അൽ നഹ്ദ ഫസ്റ്റ് ഭാഗത്താണ് കൂടുതൽ ബുദ്ധിമുട്ടുണ്ടായത്. ഇവിടെയുണ്ടായ ഒരപകടം കാരണം ചില ലൈനുകളിലെ ഗതാഗതം തടസ്സപ്പെടുകയും വാഹനങ്ങളുടെ നീക്കം മന്ദ​ഗതിയിലായി.

ഷെയ്ഖ് മുഹമ്മദ് ബിൻ സായിദ് റോഡ് (E311): മുഹൈസിന തേർഡ് ഭാഗത്തുണ്ടായ മറ്റൊരു അപകടം കാരണം യാത്ര കൂടുതൽ ദുഷ്‌കരമായി. ഈ ഭാഗത്തുകൂടി പോകുന്ന വാഹനങ്ങൾ ലൈനുകൾ മാറി, വളരെ സാവധാനം മുന്നോട്ട് പോകാൻ നിർബന്ധിതരായി.

ALSO READ: താരിഖ് അല്‍ സുവൈദാന്റെ പൗരത്വം റദ്ധാക്കി കുവൈത്ത്; ഒരേസമയം ബ്രദര്‍ഹുഡിനെ പിന്തുണയ്ക്കുകയും 'മോഡറേറ്റ് ഇസ്ലാമിസ്റ്റ്' എന്ന് യു.എസ് വിശേഷിപ്പിക്കുകയും ചെയ്ത സുവൈദാന്‍

ഷാർജയിലെ അപകടങ്ങൾ

ഷാർജയിലെ അപകടങ്ങളും ഗതാഗതക്കുരുക്ക് വർധിപ്പിച്ചു. ഇൻഡസ്ട്രിയൽ ഏരിയക്ക് സമീപമുള്ള ഷെയ്ഖ് മുഹമ്മദ് ബിൻ സായിദ് റോഡിന്റെ ഷാർജ ഭാഗത്തും അപകടങ്ങളുണ്ടായി.

അതുപോലെ, ഇതേ മേഖലയിലെ നാലാം ഇൻഡസ്ട്രിയൽ സ്ട്രീറ്റിലും അപകടമുണ്ടായി. ഇതോടെ പല ഡ്രൈവർമാരും മറ്റ് വഴികൾ തേടി, ഇത് ദുബൈയിലേക്ക് പോകുന്ന സമീപ റോഡുകളിലും തിരക്ക് കൂട്ടി.

പൊലിസ് മുന്നറിയിപ്പ്

തുടർച്ചയായ അപകടങ്ങളുടെ പശ്ചാത്തലത്തിൽ, ഡ്രൈവർമാർ കൂടുതൽ ജാ​ഗ്രത പുലർത്തണമെന്നും, ഗതാഗതക്കുരുക്ക് വർധിപ്പിക്കുന്ന പ്രവർത്തികൾ ഒഴിവാക്കണമെന്നും ദുബൈ പൊലിസ് ആവശ്യപ്പെട്ടു. 

"അപകട സ്ഥലങ്ങളിൽ കൂട്ടം കൂടുന്നത് ഒഴിവാക്കണം, ഇത് ഗതാഗതം സുഗമമായി മുന്നോട്ട് പോകാൻ സഹായിക്കും, അതോടൊപ്പം അടിയന്തര രക്ഷാപ്രവർത്തകർക്ക് അവരുടെ ജോലി വേഗത്തിൽ ചെയ്യാനും കഴിയും," ദുബൈ പൊലിസ് എക്സിൽ വ്യക്തമാക്കി.

പൊലിസിന്റെ ഈ നിർദ്ദേശം, ആംബുലൻസ്, ഫയർ സർവീസ്, പൊലിസ് പട്രോൾ ടീമുകൾ എന്നിവർക്ക് അപകടസ്ഥലങ്ങളിൽ വേഗത്തിൽ എത്തി രക്ഷാപ്രവർത്തനം നടത്താൻ പൊതുജനങ്ങളുടെ സഹകരണം എത്രത്തോളം പ്രധാനമാണെന്ന് വ്യക്തമാക്കുന്നു.

Multiple road traffic accidents and heavy vehicle volumes caused widespread congestion on Dubai and Sharjah roads during the morning rush hour, heavily impacting the flow of traffic heading into Dubai.