പട്‌ന: പൊതുസ്ഥലങ്ങളിലെ കൈയേറ്റങ്ങള്‍ നീക്കം ചെയ്യുകയാണെന്ന് അവകാശപ്പെട്ട് ബിഹാറിലെ ബെഗുസരായിയില്‍ ബുള്‍ഡോസര്‍ രാജ് നടന്നുവരികയാണ്. 60 ഓളം കടകളും ചെറിയ കുടിലുകളുമാണ് ബുള്‍ഡോസര്‍ ഉപയോഗിച്ച് തകര്‍ത്തത്. കൂടുതലും പാവപ്പെട്ടവര്‍ വസിക്കുന്ന പ്രദേശത്ത് കനത്ത സുരക്ഷാ സന്നാഹത്തോടെയത്തിയാണ് കഴിഞ്ഞദിവസം ജില്ലാ ഭരണകൂടം ആളുകളെ ഒഴിപ്പിച്ചത്. ലോഹിയ നഗര്‍ റെയില്‍വേ ക്രോസിംഗിന് സമീപമുള്ള കുടിലുകളും ചായക്കടകളും ആണ് തകര്‍ത്തത്.

അതേസമയം, ബുള്‍ഡോസര്‍ രാജിനെതിരേ രംഗത്തുവന്ന ബി.ജെ.പി പ്രവര്‍ത്തകന്‍ കുന്ദന്‍ മഹാതോയുടെ പ്രതികരണം സമൂഹമാധ്യമങ്ങളില്‍ വൈറലായിരിക്കുകയാണ്. തന്റെ വീടും ചായക്കടയും തകര്‍ത്തതിനെ തുടര്‍ന്ന് ബെഗുസരായ് ജില്ലയിലെ ലോഹിയ നഗര്‍ സ്വദേശിയായ കുന്ദന്‍, തന്റെ നീളമുള്ള മുടികള്‍ മാധ്യമങ്ങളുടെ കാമറക്ക് മുന്നില്‍ വച്ച് മറിച്ചു മാറ്റുകയും ചെയ്തു. അഭിമാനമായി കൊണ്ടുനടന്ന കാവി റിബണ്‍ ഇനി അണിയില്ലെന്ന് പറഞ്ഞ് അതു അഴിച്ച് വീട്ടിലെ പട്ടിയുടെ കഴുത്തില്‍ അണിയിക്കുകയും ചെയ്തു.

 

 

പ്രധാനമന്ത്രി നരേന്ദ്രമോദിയുടെയും കേന്ദ്രമന്ത്രി ഗിരിരാജ് സിംഗിന്റെയും ആരാധകനാണ് താനെന്ന് കുന്ദന്‍ പറഞ്ഞു. മുസ്ലിംവിരുദ്ധ പ്രസ്താവനകളിലൂടെയും വിദ്വേഷ പ്രസംഗങ്ങളിലൂടെയും വിവാദത്തിലായ നേതാവാണ് ഗിരിരാജ് സിങ്. കുന്ദന്റെ വാക്കുകള്‍ ഇങ്ങനെ: ഗിരിരാജ് ജി എന്റെ ആരാധ്യനാണ്. അദ്ദേഹത്തെ അനുകരിച്ച് കഴിഞ്ഞ കുറേ വര്‍ഷങ്ങളായി എപ്പോഴും കാവി റിബണ്‍ അണിയാറുണ്ട്. മോദിയുടെയും നിതീഷ് കുമാറിന്റെയും അരാധകനാണ് ഞാന്‍. എന്നാല്‍ ഇപ്പോള്‍ എന്റെ വീട്ടിലും ചായക്കടയിലും ഒരു മുന്നറിയിപ്പും ഇല്ലാതെ സര്‍ക്കാരിന്റെ ബുള്‍ഡോസര്‍ ഓടിച്ചു. എന്റെ വീട് എന്റെ അഭിമാനമായിരുന്നു, അത് ഇല്ലാതാകുമ്പോള്‍, എനിക്ക് ഈ മുടിയും കാവി റിബണും ആവശ്യമില്ല. എനിക്ക് ഹിന്ദു മതത്തില്‍ ഒരു പ്രശ്‌നവുമില്ല, പക്ഷേ ഇപ്പോള്‍ എനിക്ക് ഈ സര്‍ക്കാരിനെ ആവശ്യമില്ല. ഇന്ന് ബുള്‍ഡോസര്‍ എന്റെ വീടിന് മുകളിലൂടെ കടന്നുപോയി; നാളെ അത് എന്റെ നെഞ്ചിനു മുകളിലൂടെ കടന്നുപോകും- കുന്ദന്‍ പറഞ്ഞു.

 

 

 

 

 

View this post on Instagram

 

 

 

 

 

 

 

 

 

 

 

A post shared by UTTAM HINDU TV (@dailyuttamhindu)

ഇനി ഗിരിരാജുമായും മോദിയുമായും സഹകരിക്കില്ലെന്നും യുവാവ് പ്രഖ്യാപിച്ചു. എന്റെ വീട് ഇല്ലാതാകുമ്പോള്‍ ചോട്ടിയും (തല മുടി) ഗംഛയും (കാവി ഷാള്‍) സൂക്ഷിക്കുന്നതില്‍ എന്താണ് അര്‍ത്ഥം?- അദ്ദേഹം ചോദിച്ചു. തന്റെ ചായക്കടയ്ക്ക് മുകളില്‍ ഒരു ബുള്‍ഡോസര്‍ ഇടിച്ചുകയറ്റിയെന്ന് കുന്ദന്‍ മഹാതോ പറഞ്ഞു. തന്റെ മുഴുവന്‍ കുടുംബത്തിന്റെയും ഉപജീവനമാര്‍ഗം ഈ കടയായിരുന്നു. ഞങ്ങള്‍ ഇപ്പോള്‍ തുറന്ന ആകാശത്തിന് കീഴില്‍ ജീവിക്കാന്‍ നിര്‍ബന്ധിതരായെന്നും യുവാവ് കൂട്ടിച്ചേര്‍ത്തു.

 

 

മറ്റ് ബി.ജെ.പി ഭരണത്തിലുള്ള ഉത്തരേന്ത്യന്‍ സംസ്ഥാനങ്ങളില്‍നിന്ന് ഭിന്നമായി ബുള്‍ഡോസര്‍ രാജ് നടപ്പാക്കാത്ത സംസ്ഥാനമായിരുന്നു ബിഹാര്‍. എന്നാല്‍ അടുത്തിടെ നടന്ന ബിഹാര്‍ തെരഞ്ഞെടുപ്പില്‍ ബി.ജെ.പി ഏറ്റവും വലിയ ഒറ്റക്കക്ഷിയായി തെരഞ്ഞെടുക്കപ്പെട്ടതോടെ ബി.ജെ.പി നേതാവായ ഉപമുഖ്യമന്ത്രിയും ആഭ്യന്തരമന്ത്രിയുമായ സാമ്രാട്ട് ചൗധരി വ്യാപക ബുള്‍ഡോസര്‍ രാജിന് ഉത്തവിടുകയായിരുന്നു. ഇതിന്റെ ഭാഗമായാണ് കുന്ദന്‍ മഹാതോയുടെ വീടുകളും തകര്‍ത്തത്.

ALSO READ: താരിഖ് അല്‍ സുവൈദാന്റെ പൗരത്വം റദ്ധാക്കി കുവൈത്ത്; ഒരേസമയം ബ്രദര്‍ഹുഡിനെ പിന്തുണയ്ക്കുകയും 'മോഡറേറ്റ് ഇസ്ലാമിസ്റ്റ്' എന്ന് യു.എസ് വിശേഷിപ്പിക്കുകയും ചെയ്ത സുവൈദാന്‍

In Bihar’s Begusarai district, where authorities have launched an aggressive “bulldozer drive” to clear alleged encroachments near the Lohia Nagar railway crossing, over 60 small shops and huts belonging mostly to poor residents were demolished under heavy security. Among those affected was BJP worker Kundan Mahato, whose home and tea stall were razed without prior notice. In a video now viral on social media, Kundan—an avowed admirer of Prime Minister Narendra Modi and Union Minister Giriraj Singh—cut off his long hair before the cameras and removed the saffron ribbon he had proudly worn for years, tying it instead around his dog’s neck as a mark of protest. Saying the demolition had destroyed both his livelihood and dignity, he declared he would no longer associate with Modi or Giriraj Singh, adding that while he had no issue with Hinduism, he now had no faith left in the government whose bulldozer “rolled over his home today and could roll over his stomach tomorrow.” The drive follows BJP’s emergence as the single largest party in the recent Bihar elections, after which Deputy Chief Minister and Home Minister Samrat Choudhary ordered widespread bulldozer actions—under which Kundan’s property was also cleared.