റിയാദ്: ഫിലിപ്പീൻസിലെ ജബറ്റ് വിമാനക്കമ്പനിയായ സെബു പസഫിക് (Cebu Pacific), തങ്ങളുടെ മിഡിൽ ഈസ്റ്റ് നെറ്റ്‌വർക്ക് വിപുലീകരിക്കാൻ ഒരുങ്ങുകയാണ്. ഇതിന്റെ ഭാ​ഗമായി, 2026 മാർച്ച് ഒന്ന് മുതൽ റിയാദിനും മനിലയ്ക്കും ഇടയിൽ നേരിട്ടുള്ള വിമാന സർവിസുകൾ ആരംഭിക്കാൻ കമ്പനി തീരുമാനിച്ചു.

സഊദി അറേബ്യയും ഫിലിപ്പീൻസും തമ്മിലുള്ള കണക്ടിവിറ്റി ഈ പുതിയ സർവിസ് ശക്തിപ്പെടുത്തും. ഇത് ഫിലിപ്പീൻസിലെ പ്രവാസികൾക്കും ബിസിനസ് ആവശ്യങ്ങൾക്കായി യാത്ര ചെയ്യുന്നവർക്കുമിടയിലെ വർധിച്ചുവരുന്ന ആവശ്യം നിറവേറ്റാൻ സഹായിക്കും.

സർവിസ് സമയക്രമം

പുതിയ റൂട്ടിൽ ആഴ്ചയിൽ നാല് സർവിസുകൾ നടത്തുമെന്നാണ് എയർലൈൻ അറിയിച്ചിട്ടുള്ളത്.

റിയാദിൽ നിന്ന് മനിലയിലേക്ക്: എല്ലാ തിങ്കൾ, ചൊവ്വ, വ്യാഴം, ശനി ദിവസങ്ങളിലും സർവിസ് ഉണ്ടായിരിക്കും. 

ALSO READ: യുഎഇയിലെ പെണ്‍പുലികള്‍; കുതിര സവാരിയില്‍ തിളങ്ങി എമിറാത്തി പെണ്‍കുട്ടികള്‍ 

മനിലയിൽ നിന്ന് റിയാദിലേക്ക്: എല്ലാ തിങ്കൾ, ബുധൻ, വെള്ളി, ഞായർ ദിവസങ്ങളിലും സർവിസ് നടത്തും.

ഈ സമയക്രമം യാത്രക്കാർക്ക്, പ്രത്യേകിച്ച് ഗൾഫിനും തെക്കുകിഴക്കൻ ഏഷ്യയ്ക്കും (Southeast Asia) ഇടയിൽ ജോലിക്കോ വിനോദത്തിനോ യാത്ര ചെയ്യുന്നവർക്ക് കൂടുതൽ സൗകര്യപ്രദമാകും എന്ന് എയർലൈൻ അറിയിച്ചു.

SAR 1 നിരക്കിൽ ടിക്കറ്റ് ഓഫർ

പുതിയ റൂട്ട് ആരംഭിക്കുന്നതിന്റെ ഭാ​ഗമായി സെബു പസഫിക് ഒരു പ്രത്യേക പ്രൊമോഷണൽ ടിക്കറ്റ് വിൽപ്പന പ്രഖ്യാപിച്ചു. റിയാദിനും മനിലയ്ക്കും ഇടയിലുള്ള വൺവേ ടിക്കറ്റുകളുടെ അടിസ്ഥാന നിരക്ക്  ഒരു സഊദി റിയാൽ (SAR 1) മാത്രമായിരിക്കും.

ഓഫർ കാലാവധി: 2025 ഡിസംബർ 9 മുതൽ 13 വരെ.

യാത്രാ കാലയളവ്: 2026 മാർച്ച് 1 മുതൽ ഒക്ടോബർ 31 വരെ.

അതേസമയം, ഈ ഓഫറിൽ അധിക സർചാർജുകളും മറ്റ് ഫീസുകളും ഉൾപ്പെടുന്നില്ല എന്ന് എയർലൈൻ വ്യക്തമാക്കി.

Cebu Pacific, the Philippines' leading low-cost carrier, is expanding its Middle East network with direct flights between Manila and Riyadh starting March 1, 2026, offering affordable travel options for Filipino migrant workers and their families.