കുമളി: മുല്ലപ്പെരിയാറിലെ കുമളി പഞ്ചായത്തില്‍ ചെറിയ ബൂത്തായ പച്ചക്കാനത്ത് ഇത്തവണ വോട്ട് രേഖപ്പെടുത്തിയത് ഒരേയൊരാള്‍. പച്ചക്കാനം എസ്റ്റേറ്റിലെ ജീവനക്കാരനായ സില്‍വസ്റ്റര്‍ ആണ് വോട്ട് രേഖപ്പെടുത്തിയത്. ആകെ 29 വോട്ടര്‍മാരുള്ള ഈ ബൂത്തില്‍ 16 പുരുഷന്‍മാര്‍ക്കും 13 സ്ത്രീകള്‍ക്കുമാണ് വോട്ടുണ്ടായിരുന്നത്. 

കുമളി പഞ്ചായത്തിലെ പതിമ്മൂന്നാം വാര്‍ഡായ മുല്ലപ്പെരിയാറിലെ രണ്ടാം നമ്പര്‍ ബൂത്തായ പച്ചക്കാനം പെരിയാര്‍ കടുവ സങ്കേതത്തിനുള്ളിലാണ്. അതുകൊണ്ട് തന്നെ ഇവിടേക്ക് എത്തണമെങ്കില്‍ കുമളിയില്‍ നിന്ന് 35 കിലോമീറ്റര്‍ യാത്ര ചെയ്താലേ എത്താന്‍ കഴിയൂ.

ALSO READ: വിളിപ്പേര് സിന്ദു, ആരുമറിയാതെ ഒറ്റമുറി വീട്ടിലിരുന്ന് എല്ലാം തയ്യാറാക്കി സ്‌കൂട്ടറിലെത്തിച്ചു കൊടുക്കും; ചാരായവുമായി ഒരാള്‍ പിടിയില്‍ - സ്ഥലം ഉടമയ്ക്കും പങ്ക്

2020ലെ തദ്ദേശതിരഞ്ഞെടുപ്പിന് മുന്നോടിയായി ഇവിടെ വൈദ്യുതിയും വെള്ളവും എത്തിച്ചിരുന്നു. എന്നാല്‍, ഇപ്പോഴും മൊബൈല്‍ നെറ്റ്‌വര്‍ക്ക് പേരിനു പോലും ലഭ്യമല്ല. മന്നാന്‍ വിഭാഗത്തില്‍പ്പെട്ടവരാണ് ഇവിടെ താമസിക്കുന്നവരില്‍ ഭൂരിപക്ഷവും. രണ്ടു പോലിസുകാര്‍ ഉള്‍പ്പെടെ ഏഴ് ഉദ്യോഗസ്ഥരാണ് പോളിങ് ബൂത്തില്‍ ഉണ്ടായിരുന്നത്.

In the Kumaly panchayat of Mullaperiyar, the small and remote polling booth at Pachakkanam registered only one vote this election. The lone voter was Silvester, an employee of the Pachakkanam estate. Although the booth has 29 registered voters (16 men and 13 women), only Silvester arrived to cast his vote.This booth, listed as Booth No. 2 in Ward 13 of the Kumaly panchayat, is located inside the Periyar Tiger Reserve, making accessibility difficult. Reaching it requires a 35 km journey from Kumaly.