കേരള സംസ്ഥാന പിന്നാക്ക വിഭാഗ വികസന കോർപ്പറേഷനിൽ ജോലി നേടാൻ അവസരം. ജൂനിയർ അസിസ്റ്റന്റ് തസ്തികയിലേക്ക് സ്ഥിര റിക്രൂട്ട്‌മെന്റാണ് നടക്കുക. കേരള പി.എസ്.സി മുസ്‌ലിം വിഭാഗക്കാർക്ക് മാത്രമായി നടത്തുന്ന സ്‌പെഷ്യൽ റിക്രൂട്ട്‌മെന്റാണിത്. താൽപര്യമുള്ളവർ ഒഫീഷ്യൽ പോർട്ടൽ മുഖാന്തിരം അപേക്ഷ പൂർത്തിയാക്കണം. 

തസ്തികയും ഒഴിവുകളും

കേരള സംസ്ഥാന പിന്നാക്ക വിഭാഗ വികസന കോർപ്പറേഷൻ ലിമിറ്റഡ്- ജൂനിയർ അസ്സിസ്റ്റന്റ് നിയമനം. ആകെ ഒഴിവുകൾ 01 (ഒന്ന്).

ശമ്പളം

തെരഞ്ഞെടുക്കപ്പെടുന്നവർക്ക് പ്രതിമാസം 22200 രൂപയ്ക്കും 48000 രൂപയ്ക്കും ഇടയിൽ ശമ്പളം ലഭിക്കും. 

നിയമനം

മുസ്ലീം സമുദായത്തിൽപ്പെട്ട ഉദ്യോഗാർത്ഥികളിൽ നിന്ന് മാത്രമാണ് അപേക്ഷ വിളിച്ചിട്ടുള്ളത്. മുസ്ലീം സമുദായത്തിൽപ്പെടാത്ത ഉദ്യോഗാർത്ഥികൾ സമർപ്പിക്കുന്ന അപേക്ഷകൾ നിരുപാധികം നിരസിക്കുന്നതാണ്. അങ്ങനെയുള്ളവർക്ക് അപേക്ഷകൾ നിരസിച്ചു കൊണ്ടുള്ളഅറിയിപ്പ് പ്രത്യേകമായി നൽകുന്നതല്ലെന്നും പി.എസ്.സി അറിയിച്ചിട്ടുണ്ട്.

പ്രായപരിധി

 18നും 39നും ഇടയിൽ പ്രായമുള്ളവർക്ക് അപേക്ഷിക്കാം. ഉദ്യോഗാർത്ഥികൾ 02.01.1986-നും 01.01.2007- നും ഇടയിൽ ജനിച്ചവരായിരിക്കണം. 

ALSO READ: റൈറ്റ്‌സ് ലിമിറ്റഡിൽ വീണ്ടും അവസരം; ഇത്തവണ അസിസ്റ്റന്റ് മാനേജർ പോസ്റ്റിലേക്ക് 400 ഒഴിവുകൾ; അപേക്ഷ ഡിസംബർ 25 വരെ 

യോഗ്യത

 ഒരു അംഗീകൃത സർവ്വകലാശാലയിൽ നിന്നും ഏതെങ്കിലും വിഷയത്തിലുള്ള ബിരുദം നേടിയിരിക്കണം. ഒരു ഗവൺമെന്റ് അംഗീകൃത സ്ഥാപനത്തിൽ നിന്നുള്ള കുറഞ്ഞത് ആറു മാസം ദൈർഘ്യമുള്ള കമ്പ്യൂട്ടർ ആപ്ലിക്കേഷൻ ഡിപ്ലോമ (ഡി.സി.എ). 

അപേക്ഷിക്കേണ്ട വിധം

ഉദ്യോഗാർത്ഥികൾ കേരള പബ്ലിക് സർവ്വീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്. രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്ത ശേഷം സ്വന്തം profile ലൂടെ അപേക്ഷിക്കേണ്ടതാണ്. ഓരോ തസ്തികയ്ക്ക് അപേക്ഷിക്കുമ്പോഴും പ്രസ്തുത തസ്തികയോടൊപ്പം കാണുന്ന Notification Link-ലെ Apply Now -ൽ മാത്രം click ചെയ്യേണ്ടതാണ്. അപേക്ഷാ ഫീസ് നൽകേണ്ടതില്ല. ഓരോ തസ്തികയ്ക്ക് അപേക്ഷിക്കുന്നതിന് മുൻപും തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.

അപേക്ഷ: https://thulasi.psc.kerala.gov.in/thulasi/                      

വിജ്ഞാപനം:  CLICK 

കൂടുതല്‍ തൊഴിൽ വാർത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

Job at  Kerala State Backward Classes Development Corporation. A permanent recruitment is being conducted for the position of Junior Assistant. This is a special recruitment exclusively for Muslim candidates by the Kerala PSC.