കണ്ണൂർ: എഴുത്തുകാരനും നോവലിസ്റ്റും നാടകകൃത്തുമായ എം രാഘവൻ(95) അന്തരിച്ചു. എഴുത്തുകാരൻ എം മുകുന്ദന്റെ ജ്യേഷ്ഠ സഹോദരനാണ് എം രാഘവൻ.  

മുംബൈ ഫ്രഞ്ച് കോൺസുലേറ്റിന്റെ സാംസ്‌കാരിക വിഭാഗത്തിലും ഡൽഹി എംബസിയിലും എം രാഘവൻ സേവനമനുഷ്ടിച്ചിട്ടുണ്ട്. 1983ലാണ് എംബസിയുടെ സാംസ്കാരിക വിഭാഗം സെക്രട്ടറിയായി വിരമിച്ചത്.

എക്കോൽ സെംത്രാൽ എ കൂർ കോപ്ലമാംതേറിൽ നിന്നും ബ്രെവേ പരീക്ഷ വിജയിച്ചുകൊണ്ടാണ് അദ്ദേഹം സർക്കാർ ജോലിയിൽ പ്രവേശിച്ചത്. സംസ്കാരം വൈകുന്നേരം മൂന്ന് മണിക്ക് മാഹി പൊതുശ്‌മശാനത്തിൽ നടക്കും. 

ഇനിയുമെത്ര കാലം, സെപ്റ്റംബർ അകലെയല്ല, നനവ്, വധു എന്നിവ ചെറുകഥാസമാഹാരങ്ങളും അവൻ, യാത്ര പറയാതെ, നങ്കീസ്, ചിതറിയ ചിത്രങ്ങൾ, യാത്ര പറയാതെ എന്നിവയാണ് അദ്ദേഹത്തിന്റെ നോവലുകൾ.