ന്യൂഡല്‍ഹി: കേന്ദ്ര സര്‍ക്കാര്‍ കേരളത്തിലെ തദ്ദേശ സ്ഥാപനങ്ങള്‍ക്ക് 260.20 കോടി രൂപ അനുവദിച്ചു. നടപ്പ് സാമ്പത്തിക വര്‍ഷത്തില്‍ 15ാം ധനകാര്യ കമ്മീഷന്‍ ഗ്രാന്‍ഡിന്റെ ആദ്യ ഗഡുവായാണ് തുക അനുവദിച്ചത്. അണ്‍ടൈഡ് ഗ്രാന്‍ഡുകളുടെ ആദ്യ ഗഡു സംസ്ഥാനത്തെ 14 ജില്ലാ പഞ്ചായത്തുകള്‍ക്കും 152 ബ്ലോക്കുകള്‍ക്കും 941 ഗ്രാമപ്പഞ്ചായത്തുകള്‍ക്കുമാണ് അനുവദിച്ചിരിക്കുന്നതെന്ന് കേന്ദ്ര പഞ്ചായത്തീരാജ് മന്ത്രാലയം അറിയിച്ചു. ശമ്പളവും മറ്റ് സ്ഥാപന ചെലവുകളും ഒഴികെ ഭരണഘടനയുടെ പതിനൊന്നാം പട്ടികയിലെ 29 വിഷയങ്ങള്‍ക്ക് കീഴില്‍ പ്രത്യേക പ്രാദേശിക ആവശ്യങ്ങള്‍ക്കായി വിനിയോഗിക്കാവുന്ന തുകയാണിത്.

The Central Government has released ₹260.20 crore to Kerala’s local self-governments as the first installment of the 15th Finance Commission’s untied grant for the current financial year, to be used for local development needs excluding salaries and institutional expenses.