ഈരാറ്റുപേട്ട:അല്‍ മനാര്‍ സ്‌കൂളില്‍ ഈദ് ഓണാഘോഷ പരിപാടി സംഘടിപ്പിച്ചു. വൈസ് പ്രിന്‍സിപ്പാള്‍ മിനി അജയിയുടെ അദ്ധ്യക്ഷതയില്‍ നടത്തിയ ഉദ്ഘാടന സമ്മേളനം മുനിസിപ്പല്‍ ചെയര്‍മാന്‍ ടി.എം റഷീദ് ഉദ്ഘാടനം ചെയ്തു.
ലേബര്‍ ഇന്ത്യ പുബ്ലിക്കേഷന്‍സ് സബ് എഡിറ്റര്‍ വി.എം . സിറാജ് മുഖ്യ പ്രഭാഷണം നടത്തി. കോട്ടയം സഹോദയ വോളിബോള്‍ ടൂര്‍ണമെന്റില്‍ വിജയികളായ വിദ്യാര്‍ഥികളെയും മജ്‌ലിസ് പരീക്ഷയില്‍ എല്ലാ വിഷയങ്ങള്‍ക്കും ഫുള്‍ എ പ്ലസ് നേടിയ വിദ്യാര്‍ഥികളെയും ചടങ്ങില്‍ ആദരിച്ചു. മുനിസിപ്പാലിറ്റിയുടെ അഭ്യര്‍ത്ഥന പ്രകാരം അസുഖം മൂലം അവശത അനുഭവിക്കുന്ന ഒരു വിദ്യാര്‍ത്ഥിക്ക് വേണ്ടി അല്‍ മനാര്‍ സ്‌കൂളിലെ വിദ്യാര്‍ഥികള്‍ സമാഹരിച്ച 37000 രൂപ ട്രസ്റ്റ് സെക്രട്ടറി കെ.പി യൂസഫ് മുനിസിപ്പല്‍ ചെയര്‍മാന് ചടങ്ങില്‍ വെച്ച് കൈമാറി. ശേഷം ഗ്രൂപ് സോങ് മത്സരം, വടം വലി , കാലം തല്ലി പൊട്ടിക്കല്‍, കസേര കളി തുടങ്ങിയ നടന്‍ കായിക മത്സരങ്ങള്‍ സംഘടിപ്പിച്ചു. അധ്യാപകരായ അനസ് മുഹമ്മദ് , അര്‍ഷാദ് അഷറഫ്, ചാള്‍സ് ജോര്‍ജ്, രതീഷ് കുമാര്‍, മുഹമ്മദ് റാഫി എന്നിവര്‍ കലാ കായിക മത്സരങ്ങള്‍ക്ക് നേത്രത്വം നല്‍കി.