ദുബൈ: ശൈത്യകാല വിനോദസഞ്ചാര സീസൺ സജീവമായതോടെ യാത്രാ സൗകര്യങ്ങൾ വർദ്ധിപ്പിച്ച് ദുബൈ വിമാനത്താവളങ്ങൾ. ദുബൈ ഇന്റർനാഷണൽ (DXB), അൽ മക്തൂം ഇന്റർനാഷണൽ (DWC) എന്നീ രണ്ട് വിമാനത്താവളങ്ങളിലും പുതിയ റൂട്ടുകൾ ആരംഭിക്കുകയും നിലവിലുള്ള സർവീസുകളുടെ എണ്ണം കൂട്ടുകയും ചെയ്തു. ഇതോടെ പ്രവാസികൾക്കും വിനോദസഞ്ചാരികൾക്കും കൂടുതൽ യാത്രാ ഓപ്ഷനുകൾ ലഭ്യമാകും.

പുതിയ സർവീസുകളും വിമാനക്കമ്പനികളും

യൂറോപ്പ്, മധ്യേഷ്യ, സഊദി അറേബ്യ എന്നിവിടങ്ങളിൽ നിന്നുള്ള യാത്രക്കാരുടെ വർദ്ധനവ് കണക്കിലെടുത്ത് നിരവധി പ്രമുഖ വിമാനക്കമ്പനികൾ സർവീസുകൾ തങ്ങളുടെ വിപുലീകരിച്ചു.

• ബ്രിട്ടീഷ് എയർവേയ്‌സ് & വിർജിൻ അറ്റ്ലാന്റിക്: ലണ്ടനിൽ നിന്നുള്ള എ380 സർവീസുകൾ ബ്രിട്ടീഷ് എയർവേയ്‌സ് പുനഃസ്ഥാപിച്ചു. വിർജിൻ അറ്റ്ലാന്റിക് തങ്ങളുടെ ഏറ്റവും പുതിയ A350-1000 വിമാനങ്ങൾ വിന്യസിച്ചതോടെ സീറ്റുകളുടെ എണ്ണത്തിൽ 52 ശതമാനം വർദ്ധനവുണ്ടായി.
• യൂറോപ്യൻ കണക്റ്റിവിറ്റി: ഓസ്ട്രിയൻ എയർലൈൻസ് വിയന്നയിൽ നിന്നുള്ള ദൈനംദിന സർവീസുകൾ ആരംഭിച്ചു. ജർമ്മൻ എയർലൈനായ യൂറോവിംഗ്‌സ് സ്റ്റട്ട്ഗാർട്ടിൽ നിന്ന് ദുബൈയിലേക്ക് ദിവസേന സർവീസുകൾ നടത്തും.
• മധ്യേഷ്യ & പാകിസ്ഥാൻ: കസാക്കിസ്ഥാനിലെ അക്താവുവിൽ നിന്ന് ഫ്ലൈഅരിസ്താൻ സർവീസ് തുടങ്ങി. പാകിസ്ഥാനിലെ ലാഹോറിൽ നിന്ന് ഫ്ലൈ ജിന്ന ആഴ്ചയിൽ രണ്ട് സർവീസുകൾ ആരംഭിച്ചു.
• മറ്റ് സർവീസുകൾ: ഇറാനിലെ സാരിയിൽ നിന്ന് വരേഷ് എയർലൈൻസും സർവീസ് നടത്തുന്നുണ്ട്.

ദുബൈയിലെ വിമാനത്താവളങ്ങളിലെ രണ്ടാമത്തെ വലിയ വിപണിയായി സഊദി അടുത്തിടെ മാറിയിരുന്നു. ഒക്ടോബർ വരെയുള്ള കണക്കനുസരിച്ച് ദുബൈയിലെ ആകെ യാത്രക്കാരിൽ 7.8 ശതമാനവും സൗദിയിൽ നിന്നുള്ളവരാണ്. 63 ലക്ഷം യാത്രക്കാരാണ് ഇക്കാലയളവിൽ ഇരു വിമാനത്താവളങ്ങളിലുമായി എത്തിയത്.

ALSO READ: ശൈത്യകാലത്ത് ഹീറ്റർ ഉപയോ​ഗിക്കുമ്പോൾ ശ്രദ്ധവേണം; അശ്രദ്ധമായ ഉപയോ​ഗം തീപിടുത്തത്തിനും ശ്വാസംമുട്ടലിനും കാരണമാകാം; മുന്നറിയിപ്പുമായി അബൂദബി പൊലിസ്

കുതിച്ച് അൽ മക്തൂം വിമാനത്താവളം (DWC)

ദുബൈയിലെ രണ്ടാമത്തെ വിമാനത്താവളമായ ഡിഡബ്ല്യുസി (DWC) വലിയ വളർച്ചയാണ് രേഖപ്പെടുത്തുന്നത്. ഈ വർഷം ആദ്യ 10 മാസങ്ങളിൽ വിമാനത്താവളത്തിലെ യാത്രക്കാരുടെ എണ്ണത്തിൽ 36.6 ശതമാനം വർദ്ധനവുണ്ടായി. സഊദിയിൽ നിന്നുള്ള യാത്രക്കാരുടെ എണ്ണത്തിൽ മാത്രം ഇവിടെ 459 ശതമാനം വളർച്ചയാണ് രേഖപ്പെടുത്തിയത്.  കിഴക്കൻ, പടിഞ്ഞാറൻ യൂറോപ്പിലേക്കുള്ള യാത്രക്കാർക്ക് ഇപ്പോൾ ഡിഡബ്ല്യുസി ഒരു പ്രധാന ഹബ്ബായി മാറിക്കഴിഞ്ഞു.

വിമാനങ്ങളുടെ എണ്ണം വർദ്ധിച്ചതോടെ ടിക്കറ്റ് ലഭ്യത കൂടുകയും വിവിധ വിമാനക്കമ്പനികൾ തമ്മിലുള്ള മത്സരം കാരണം യാത്രക്കാർക്ക് കൂടുതൽ മെച്ചപ്പെട്ട നിരക്കുകൾ ലഭിക്കാൻ സാധ്യതയുണ്ട്. കൂടാതെ, ബിസിനസ്സ് യാത്രക്കാർക്കായി ജർമ്മൻ റൂട്ടുകളിൽ പ്രീമിയം ബിസിനസ് ക്ലാസ് സൗകര്യങ്ങളും എയർലൈനുകൾ വർദ്ധിപ്പിച്ചിട്ടുണ്ട്.

ശൈത്യകാലം ആഘോഷിക്കാൻ ദുബൈയിലേക്ക് എത്തുന്ന സഞ്ചാരികളുടെ ഒഴുക്ക് നിയന്ത്രിക്കാൻ പുതിയ സംവിധാനങ്ങൾ സഹായിക്കുമെന്ന് ആർടിഎയും എയർപോർട്ട് അതോറിറ്റിയും വിലയിരുത്തി.

major airlines expand services to dubai by introducing new international routes and increasing seat capacity move aims meet rising passenger demand boost tourism improve connectivity and offer travelers more flexible options competitive fares and convenient schedules across global destinations this season.