തൃശൂർ: ജില്ലയിലെ മായന്നൂർ മാങ്കുളത്ത് വയോധികയെ ആക്രമിച്ച് സ്വർണ്ണമാല കവർന്നു. ഇന്ന് ഉച്ചയ്ക്ക് രണ്ട് മണിയോടെയാണ് മാങ്കുളം പുത്തൻവീട്ടിൽ വിദ്യാവതി (78) എന്ന വയോധിക മോഷണത്തിനിരയായത്. സംഭവത്തിന്റെ ഞെട്ടിക്കുന്ന സിസിടിവി ദൃശ്യങ്ങൾ പുറത്തുവന്നു.

ക്ഷീര കർഷകയായ വിദ്യാവതി ചിറങ്കരയിലെ ക്ഷീരസംഘത്തിലേക്ക് പാലുമായി നടന്നുപോകുന്നതിനിടെയാണ് ബൈക്കിലെത്തിയ രണ്ടംഗ സംഘം ആക്രമണം നടത്തിയത്. റോഡിലൂടെ നടന്നുപോവുകയായിരുന്ന ഇവരുടെ പിന്നാലെയെത്തിയ സംഘം കഴുത്തിലുണ്ടായിരുന്ന മാല പൊട്ടിച്ചെടുത്ത് അതിവേഗം ബൈക്കിൽ രക്ഷപ്പെടുകയായിരുന്നു.

സംഭവത്തിന് പിന്നാലെ പഴയന്നൂർ പൊലിസ് സ്ഥലത്തെത്തി അന്വേഷണം ആരംഭിച്ചു. പ്രദേശത്തെ സിസിടിവി ദൃശ്യങ്ങളിൽ പ്രതികളുടെ ദൃശ്യങ്ങൾ വ്യക്തമായി പതിഞ്ഞിട്ടുണ്ട്. ഈ ദൃശ്യങ്ങൾ കേന്ദ്രീകരിച്ച് പ്രതികളെ തിരിച്ചറിയാനുള്ള ശ്രമത്തിലാണ് പൊലിസ്. കൂടുതൽ തെളിവുകൾക്കായി സമീപപ്രദേശങ്ങളിലെ മറ്റ് ക്യാമറകളും പൊലിസ് പരിശോധിച്ചുവരികയാണ്. 

In a brazen daylight robbery in Thrissur, a two-member gang attacked and robbed an elderly woman who was on her way to deliver milk. The attackers intercepted her on the street, assaulted her, and forcibly snatched her gold chain before fleeing. CCTV footage of the violent encounter has surfaced, sparking concern over public safety in the area as police launch a search for the suspects.