സംസ്ഥാനതല അധ്യാപക യോഗ്യത പരീക്ഷയായ കെ-ടെറ്റിന് ഇപ്പോൾ അപേക്ഷിക്കാം. വിശദമായ വിജ്ഞാപനം https://ktet.kerala.gov.in/ എന്ന വെബ്‌സൈറ്റിൽ ലഭ്യമാണ്. ഡിസംബർ 30നുള്ളിൽ അപേക്ഷ പൂർത്തിയാക്കണം. ഫെബ്രുവരി 21, 23 തീയതികളിലാണ് പരീക്ഷ. ഹാൾടിക്കറ്റ് ഫെബ്രുവരി 11ന് പ്രസിദ്ധീകരിക്കും.  

സമയക്രമം

കാറ്റഗറി ഒന്നിന് 2026 ഫെബ്രുവരി 21ന് രാവിലെ പത്ത് മണിമുതൽ 12.30 വരെയും, കാറ്റഗറി രണ്ടിന് അന്നേദിവസം ഉച്ചക്ക് ശേഷം 2 മണിമുതൽ 4.30 വരെയുമാണ് പരീക്ഷ. 

കാറ്റഗറി മൂന്നിന് ഫെബ്രുവരി 23ന് രാവിലെ 10 മുതൽ 12.30 വരെയും, കാറ്റഗറി നാലിന് അന്നേദിവസം ഉച്ചക്ക് 2 മുതൽ 4.30 വരെയുമാണ് പരീക്ഷ.

ALSO READ: കേ​ന്ദ്ര​സ​ർ​ക്കാ​ർ സിഡാക്കിൽ പിജി സർട്ടിഫിക്കറ്റ് കോഴ്സ്; പ്രവേശന പരീക്ഷയ്ക്ക് അപേക്ഷിക്കാം; കേരളത്തിലും അവസരംed

എന്താണ് കെടെറ്റ്

പ്രൈമറി, അപ്പർ പ്രൈമറി, ഹൈസ്‌കൂൾ അധ്യാപകരാവാനുള്ള യോഗ്യത പരീക്ഷയാണ് കെടെറ്റ്. നാല് വിഭാഗങ്ങളിലായാണ് അപേക്ഷ നൽകേണ്ടത്. 

കാറ്റഗറി

കാറ്റഗറി 1 : ലോവർ പ്രൈമറി അധ്യാപകരാവുന്നതിനുള്ള പരീക്ഷയാണിത്. 

കാറ്റഗറി 2: അപ്പർ പ്രൈമറി അധ്യാപകരാവുന്നതിനുള്ള പരീക്ഷയാണിത്. 

കാറ്റഗറി 3: ഹൈസ്‌കൂൾ അസിസ്റ്റന്റാകാനുള്ള പരീക്ഷ.

കാറ്റഗറി 4: യുപി തലം വരെയുള്ള അറബി/ ഹിന്ദി/ സംസ്‌കൃതം/ ഉർദു സ്‌പെഷ്യലിസ്റ്റ് അധ്യാപകർ/ കായിക അധ്യാപകർ (ഹൈസ്‌കൂൾ തലം വരെ), ആർട്ട്, ക്രാഫ്റ്റ് അധ്യാപക കാറ്റഗറിയാണിത്. 

കേരളത്തിലെ എല്ലാ ജില്ലകളിലും പരീക്ഷ കേന്ദ്രങ്ങൾ അനുവദിച്ചിട്ടുണ്ട്. തെറ്റായ ഉത്തരത്തിന് നെഗറ്റീവ് മാർക്കില്ല. പരീക്ഷ എഴുതുന്നതിന് പ്രായപരിധിയുമില്ല. 

Official Notification: Click 

കൂടുതല്‍ education വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

“applications are now open for k-tet, the state-level teacher eligibility test. detailed notification is available on the website. applications must be completed by december 30. the exam will be held on february 21 and 23. hall tickets will be published on february 11.”