കോട്ടയം: പാലാ നഗരസഭയിൽ രാഷ്ട്രീയ അനിശ്ചിതത്വങ്ങൾക്ക് വിരാമം. പുളിക്കക്കണ്ടം കുടുംബം യുഡിഎഫിന് പിന്തുണ പ്രഖ്യാപിച്ചതോടെ നഗരസഭാ ഭരണം യുഡിഎഫ് പിടിച്ചെടുത്തു. ചരിത്രത്തിലാദ്യമായി കേരള കോൺഗ്രസ് (എം) പാലായിൽ പ്രതിപക്ഷത്തിരിക്കേണ്ടി വരുമെന്നതാണ് ഈ ഭരണമാറ്റത്തിന്റെ ഏറ്റവും വലിയ സവിശേഷത. ഇരുപത്തിയൊന്നു വയസ്സുകാരിയായ ദിയ പുളിക്കക്കണ്ടം പാലാ നഗരസഭയുടെ അധ്യക്ഷയാകും. കോൺഗ്രസ് വിമതയായി മത്സരിച്ചു ജയിച്ച മായാ രാഹുൽ വൈസ് ചെയർപേഴ്‌സണാകും.

ALSO READ: ഷൊർണൂരിൽ ട്വിസ്റ്റ്; വിമതയായി ജയിച്ച സ്ഥാനാർഥിയെ ചെയർപേഴ്‌സണാകും; സിപിഎമ്മിൽ നേതാക്കൾക്കിടയിൽ അതൃപ്തി

പിന്നിലുണ്ടായ രാഷ്ട്രീയ നീക്കങ്ങൾ

സ്വതന്ത്രരായി മത്സരിച്ചു വിജയിച്ച ബിനു പുളിക്കക്കണ്ടം, മകൾ ദിയ, സഹോദരൻ ബിജു എന്നിവരുടെ നിലപാടാണ് പാലായിൽ നിർണ്ണായകമായത്. 26 അംഗ ഭരണസമിതിയിൽ എൽഡിഎഫിന് 12 സീറ്റും യുഡിഎഫിന് 10 സീറ്റുമാണുള്ളത്. നാല് സ്വതന്ത്രരുടെ പിന്തുണ ലഭിച്ചതോടെ യുഡിഎഫിന്റെ അംഗബലം 14 ആയി ഉയരുകയും കേവല ഭൂരിപക്ഷം ലഭിക്കുകയും ചെയ്തു.

ALSO READ: കോട്ടയം ജില്ലാ പഞ്ചായത്ത്: ജോഷി ഫിലിപ്പ് അധ്യക്ഷനാകും; കേരള കോൺഗ്രസിന് ഒരു വർഷം

വനിതാ സംവരണമായ അധ്യക്ഷ പദവി മകൾ ദിയയ്ക്ക് നൽകണമെന്ന ബിനു പുളിക്കക്കണ്ടത്തിന്റെ ആവശ്യം യുഡിഎഫ് അംഗീകരിക്കുകയായിരുന്നു. മന്ത്രി വി.എൻ. വാസവന്റെ നേതൃത്വത്തിൽ സിപിഐഎം നേതാക്കൾ ബിനുവുമായി ചർച്ചകൾ നടത്തിയിരുന്നെങ്കിലും, ഒടുവിൽ യുഡിഎഫിനൊപ്പം നിൽക്കാനാണ് പുളിക്കക്കണ്ടം കുടുംബം തീരുമാനിച്ചത്.

"പാലായുടെ വികസനത്തിനായി യുഡിഎഫിനെ പിന്തുണയ്ക്കാൻ തീരുമാനിച്ചു. അർഹമായ പ്രാതിനിധ്യം ഉറപ്പാക്കിയാണ് ഈ തീരുമാനം കൈക്കൊണ്ടിരിക്കുന്നത്." എന്ന് ബിനു പുളിക്കക്കണ്ടം പറഞ്ഞു.

The political deadlock in Pala Municipality has ended with the Pulickakandam family and a rebel candidate officially backing the UDF. With this move, 21-year-old Diya Pulickakandam is set to become the youngest Chairperson of the municipality, while Maya Rahul will take over as Vice-Chairperson. This shift marks a historic moment for Pala, as the Kerala Congress (M) will sit in the opposition for the first time in the municipality's history. Despite efforts by CPM leaders to secure their support, the three independent members of the Pulickakandam family chose the UDF, giving the alliance the majority needed to govern.