ദീര്‍ഘദൂര വിമാനയാത്രകള്‍, രാത്രികാല ട്രെയിന്‍ യാത്രകള്‍, റോഡ് യാത്രകള്‍ എന്നിവ പലപ്പോഴും ലക്ഷ്യസ്ഥാനത്തെത്തുമ്പോഴേക്കും അസ്വസ്ഥതകള്‍ ഏറെ ഉണ്ടാവാറുണ്ട്. ഇടുങ്ങിയ സീറ്റുകള്‍, പരിമിതമായ സ്ഥലത്ത് കാല്‍ വയ്ക്കുന്നത്, മണിക്കൂറുകളോളം നിശ്ചലമായി ഇരിക്കുന്നത് ഒക്കെ യാത്രക്കാര്‍ക്ക് ബുദ്ദിമുട്ടുണ്ടാക്കാറുണ്ട്. അതുപോലെ കഠിനമായ പുറം വേദന, ഭാരമുള്ള കാലുകള്‍, അസ്വസ്ഥത എന്നിവയും അനുഭവപ്പെടാന്‍ ഇടയാക്കും.

കഴുത്ത് തലയിണകള്‍, ഐ മാസ്‌കുകള്‍, കംപ്രഷന്‍ സോക്‌സുകള്‍ എന്നിവ സാധാരണ യാത്രാ അവശ്യവസ്തുക്കളായി മാറിയിരിക്കുമ്പോള്‍, പതിവായി യാത്ര ചെയ്യുന്നവരും വിദഗ്ധരും നിശബ്ദമായി അംഗീകരിക്കുന്ന ഒരു അത്ഭുതകരമായ, ലളിതമായ ഒരിനമുണ്ട്. ചെറുതും ഭാരം കുറഞ്ഞതും പായ്ക്ക് ചെയ്യാന്‍ എളുപ്പമുള്ളതുമായ ഒരു ടെന്നീസ് ബോള്‍.
ഇത് വളരെ ആശ്വാസം നല്‍കുന്നതാണ്. 

മണിക്കൂറുകളോളം ഒരേ സ്ഥലത്ത് അനങ്ങാതെ ഇരിക്കുമ്പോള്‍, നിങ്ങളുടെ പേശികള്‍ ഒരു സ്ഥാനത്ത് തന്നെ തുടരുകയും രക്തയോട്ടം മന്ദഗതിയിലാവുകയും ചെയ്യുന്നു. ഇത് സന്ധികളെ കഠിനമാക്കുകയും നിങ്ങളുടെ താഴത്തെ പുറകിലും ഇടുപ്പിലും അധിക സമ്മര്‍ദ്ദം ചെലുത്തുകയും ചെയ്യുന്നു. പരിമിതമായ സ്ഥലമാവുമ്പോള്‍ നിങ്ങള്‍ക്ക് ശരിയായി കാലുകള്‍ വലിച്ചുനീട്ടി ഇരിക്കാന്‍ കഴിയില്ലല്ലോ.

അതുകൊണ്ട് തന്നെ കഴുത്തിലും തോളിലും കാലുകളിലും പിരിമുറുക്കം വര്‍ധിക്കുന്നു. നിങ്ങള്‍ എത്തുന്നതിന് മുമ്പുതന്നെ നിങ്ങള്‍ക്ക് വേദനയും ക്ഷീണവും അനുഭവപ്പെടുന്നു. പ്രൊഫഷണലുകള്‍ പറയുന്നതനുസരിച്ച്, ഇവിടെയാണ് ഒരു ചെറിയ ടെന്നീസ് പന്ത് നിങ്ങളുടെ രക്ഷയ്‌ക്കെത്തുന്നത്.

 

നിങ്ങളുടെ ദീര്‍ഘയാത്രകള്‍ സുഗമമാക്കാന്‍ ഒരു ടെന്നീസ് ബോള്‍ എങ്ങനെ സഹായിക്കുമെന്ന് നോക്കാം

യാത്രയ്ക്കിടെ താഴത്തെ പുറം, ഇടുപ്പ് അസ്വസ്ഥതകള്‍ ലഘൂകരിക്കാന്‍ സഹായിക്കുന്നു. ദീര്‍ഘദൂര വിമാനയാത്രകളിലും ട്രെയിന്‍ യാത്രകളിലും നടുവേദനയും ഇടുപ്പിന്റെ കാഠിന്യവും ഏറ്റവും സാധാരണമായ പരാതികളില്‍ ഒന്നാണ്. 'ദീര്‍ഘയാത്രകളില്‍, ദീര്‍ഘനേരം ഇരിക്കുന്നത് കാരണം ആളുകള്‍ക്ക് പലപ്പോഴും നടുവേദനയും ഇടുപ്പിന് ചുറ്റുമുള്ള അസ്വസ്ഥതയും അനുഭവപ്പെടാറുണ്ട്.

ഒരു ടെന്നീസ് ബോള്‍ ഇടുപ്പിനടിയില്‍ വയ്ക്കുകയും ഒരു മിനിറ്റോളം മൃദുവായ വൃത്താകൃതിയിലുള്ള ചലനങ്ങളിലൂടെ അത് ചലിപ്പിക്കുകയും പിന്നീട് വശങ്ങള്‍ മാറ്റുകയും ചെയ്താല്‍ കാഠിന്യം കുറയ്ക്കാന്‍ സഹായിക്കും. യാത്ര നിയന്ത്രിക്കപ്പെടുന്നതിനാലും കുറഞ്ഞ സ്ഥലം ആവശ്യമുള്ളതിനാലും സഹയാത്രികരെ ശല്യപ്പെടുത്താതെ സുഖമായി ഇരിക്കാനുള്ള എളുപ്പവഴിയാണിത്.

 

ALSO READ: ഈ സൂപ്പര്‍ ഫുഡുകള്‍ കഴിക്കൂ...! സപ്ലിമെന്റുകള്‍ എടുക്കാതെ വിറ്റാമിന്‍ ഡിയുടെ കുറവ് പരിഹരിക്കാം 

ഇറുകിയ സീറ്റുകളില്‍ ഇരിക്കുമ്പോള്‍ കഴുത്തിലെയും പുറകിലെയും വേദന ഒഴിവാക്കുന്നു

മണിക്കൂറുകളോളം ശരീരനില മാറ്റമില്ലാതെ തുടരുമ്പോള്‍ കഴുത്തിലും തോളിലും വേദന ഉണ്ടാകാറുണ്ട്. മുകള്‍ ഭാഗത്തെ പുറകില്‍ ഒരു ടെന്നീസ് ബോള്‍ ഉപയോഗിക്കുന്നത് അടിഞ്ഞുകൂടിയ പിരിമുറുക്കത്തെ ഒഴിവാക്കാന്‍ സഹായിക്കും. കഴുത്തിന്റെയും മുകള്‍ ഭാഗത്തെ വേദന ഒഴിവാക്കാന്‍, യാത്രക്കാര്‍ക്ക് അവരുടെ സീറ്റ് ചെറുതായി ചാരി ടെന്നീസ് ബോള്‍ മുകള്‍ ഭാഗത്തിനും സീറ്റിനും ഇടയില്‍ വയ്ക്കാം, ഫിസിയോതെറാപ്പിസ്റ്റ് പറയുന്നത്- 'ശരീരം പതുക്കെ മുകളിലേക്കും താഴേക്കും അല്ലെങ്കില്‍ വശങ്ങളിലേക്കും ചലിപ്പിക്കുന്നത് ഇറുകിയ പേശികളെ ലഘൂകരിക്കാന്‍ സഹായിക്കുമെന്നാണ്. ഇടയ്ക്കിടെ എഴുന്നേറ്റു നില്‍ക്കാന്‍ എല്ലായ്‌പ്പോഴും സാധ്യമല്ലാത്ത ദീര്‍ഘദൂര വിമാനയാത്രകളില്‍ ഈ രീതി പ്രത്യേകിച്ചും ഉപയോഗപ്രദമാണ്.

കാലുകള്‍ക്കു ഭാരവും മരവിപ്പും അനുഭവപ്പെടുന്നത് തടയാന്‍

മണിക്കൂറുകളോളം അനങ്ങാതെ ഇരുന്നാല്‍ കാലുകള്‍ വലിഞ്ഞു മുറുകുന്നതായും ഭാരമുള്ളതുമായും തോന്നാറുണ്ട്. പ്രത്യേകിച്ച് ദീര്‍ഘദൂര വിമാനയാത്രകളില്‍. കാലിനടിയില്‍ ഒരു ടെന്നീസ് ബോള്‍ ഉരുട്ടുന്നത് മൃദുവായ ചലനത്തെ പ്രോത്സാഹിപ്പിക്കുന്നു. 'കാലിനടിയില്‍ ഒരു ടെന്നീസ് ബോള്‍ വയ്ക്കുകയും അത് മുന്നോട്ടും പിന്നോട്ടും ചെറിയ വൃത്താകൃതിയിലും നേരിയ മര്‍ദ്ദത്തോടെയും ഉരുട്ടുകയും ചെയ്യുന്നത് കാലിന്റെ കാഠിന്യം കുറയ്ക്കാനും മികച്ച രക്തചംക്രമണത്തെ പിന്തുണയ്ക്കാനും സഹായിക്കുമെന്ന് ആരോഗ്യവിദഗ്ധനും പറയുന്നു. ഇരിക്കുമ്പോള്‍ ഇത് വിവേകപൂര്‍വം ചെയ്യാന്‍ കഴിയും. 

 ALSO READ: പൂച്ചയുടെ അസുഖം കണ്ടുപിടിക്കാന്‍ യുവതിക്ക് ചെലവായത് 33,000 രൂപ; രോഗവിവരമറിഞ്ഞ് ഞെട്ടി യുവതി

ദീര്‍ഘനേരം ഇരിക്കുമ്പോള്‍ രക്തചംക്രമണം മെച്ചപ്പെടാന്‍ സഹായിക്കുന്നു

യാത്രയ്ക്കിടെയുള്ള പരിമിതമായ ചലനം രക്തചംക്രമണത്തെ ബാധിക്കുകയും ക്ഷീണത്തിനും അസ്വസ്ഥതയ്ക്കും കാരണമാവുകയും ചെയ്യുന്നു. ടെന്നീസ് ബോളില്‍ നിന്നുള്ള നേരിയ മര്‍ദ്ദം പേശികളെ സജീവമായി നിലനിര്‍ത്താന്‍ സഹായിക്കുന്നു.

ഒരു ടെന്നീസ് ബോള്‍ കാലിനടിയിലോ പുറകിലോ ഉരുട്ടുന്നത് പേശികളുടെ പിരിമുറുക്കം ഒഴിവാക്കാന്‍ സഹായിക്കുന്നു. അതുവഴി ചുറ്റുമുള്ള ടിഷ്യു അയഞ്ഞു മികച്ച രക്തയോട്ടം പ്രോത്സാഹിപ്പിക്കുന്നു. മെച്ചപ്പെട്ട രക്തചംക്രമണം ദീര്‍ഘയാത്രകളില്‍ പലപ്പോഴും ഉണ്ടാകുന്ന മന്ദതയും ക്ഷീണവും കുറയ്ക്കുകയും ഇത് യാത്രക്കാര്‍ക്ക് എത്തിച്ചേരുമ്പോള്‍ കൂടുതല്‍ ഉന്മേഷം തോന്നിപ്പിക്കുകയും  ചെയ്യും.

യാത്രാക്ഷീണം കുറയ്ക്കുന്ന ചെറിയ ചലനങ്ങളെ പ്രോത്സാഹിപ്പിക്കുന്നു

ദീര്‍ഘയാത്രകളിലെ ഏറ്റവും വലിയ വെല്ലുവിളികളില്‍ ഒന്ന് ദീര്‍ഘനേരം അനങ്ങാതെ ഇരിക്കുക എന്നതാണല്ലോ. ടെന്നീസ് ബോള്‍ ഉപയോഗിക്കുന്നത് സ്വാഭാവികമായും ചെറിയ പോസ്ചര്‍ മാറ്റങ്ങള്‍ക്ക് കാരണമാകുന്നു. 'ഇത്തരത്തിലുള്ള നേരിയ മര്‍ദ്ദം സെന്‍സിറ്റീവ് പേശി പോയിന്റുകള്‍ പുറത്തുവിടുകയും യാത്രയ്ക്കിടെ ക്ഷീണവും അസ്വസ്ഥതയും കുറയ്ക്കാന്‍ സഹായിക്കുകയും ചെയ്യുന്നു. 'ഓരോ 30 മിനിറ്റിലും പൊസിഷന്‍ മാറ്റുന്നതും സാധ്യമാകുമ്പോഴെല്ലാം ചെറിയ രീതിയില്‍ നടക്കുന്നതും നല്ലതാണ്. 

 

ദീര്‍ഘദൂര യാത്രകളില്‍ ടെന്നീസ് ബോള്‍ ഉപയോഗിക്കുമ്പോള്‍ ശരിയായ രീതിയില്‍ ചെയ്യണം. 

അധികം ശക്തമായി അമര്‍ത്തുന്നത് ഒഴിവാക്കുക. ലക്ഷ്യം പിരിമുറുക്കം ഒഴിവാക്കുക എന്നതാണ്, വേദന സൃഷ്ടിക്കുകയല്ല.

അടുത്തിടെ ഉണ്ടായ പരിക്കുകള്‍, വീര്‍ത്ത സന്ധികള്‍, അല്ലെങ്കില്‍ സെന്‍സിറ്റീവ് പാടുകള്‍ എന്നിവയില്‍ ഒരിക്കലും പന്ത് ഉപയോഗിക്കരുത്.

വേഗത്തിലോ സമ്മര്‍ദ്ദമുപയോഗിച്ചോ അല്ലാതെ ചെറിയ, ബോധപൂര്‍വമായ ചലനങ്ങളിലൂടെ പന്ത് ഉരുട്ടുക.

അസ്വസ്ഥത വര്‍ധിച്ചാല്‍ നിര്‍ത്തുക. നേരിയ മര്‍ദ്ദം വേദനാജനകമല്ല, ആശ്വാസം നല്‍കുന്നതായി തോന്നണം. വേദന വഷളാകുകയാണെങ്കില്‍, ഉടനടി നിര്‍ത്തുകയും വേണം.

യാത്രയ്ക്കിടെ മണിക്കൂറുകളോളം ഇരിക്കുന്ന ഏതൊരാള്‍ക്കും ഒരു ടെന്നീസ് ബോള്‍ ഒരു മാറ്റമായിരിക്കും. വിമാനത്തിലെ ഇടുങ്ങിയ സീറ്റുകളുമായി നിരന്തരം യാത്ര ചെയ്യുന്നവര്‍, രാത്രികാല ട്രെയിനുകളിലെ യാത്രക്കാര്‍, മണിക്കൂറുകളോളം ഒരേ സ്ഥാനത്ത് കുടുങ്ങിക്കിടക്കുന്ന റോഡ് യാത്രക്കാര്‍ എന്നിവര്‍ക്കെല്ലാം ഇത് വളരെ ഗുണം ചെയ്യും. 

അതുകൊണ്ട്, അടുത്ത യാത്രയ്ക്കു പോകുമ്പോള്‍ ഒരു ടെന്നീസ് ബോള്‍ കൂടെ കൊണ്ടുപോകുന്നത് ഉറപ്പാക്കുക.

 

Long-distance travel by flights, trains, or roads often causes physical discomfort due to cramped seating, limited movement, and prolonged sitting. Common issues include lower back pain, hip stiffness, neck and shoulder tension, heavy or numb legs, and poor blood circulation.

Travel experts and frequent travelers suggest a simple, lightweight solution: a tennis ball. Easy to carry and discreet to use, a tennis ball can help relieve muscle tension and improve comfort during long journeys. Placing it under the hips or lower back and gently moving it in small circular motions can reduce stiffness. Using it between the upper back and the seat can ease neck and shoulder pain, while rolling it under the feet helps prevent leg heaviness and numbness. The gentle pressure also supports better blood circulation when movement is restricted.