കൊച്ചി: സേവ് ബോക്‌സ് ലേല ആപ്പ് തട്ടിപ്പ് കേസില്‍ നടന്‍ ജയസൂര്യയെ വീണ്ടും ഇഡി ചോദ്യം ചെയ്യും. അടുത്ത ആഴ്ച വീണ്ടും ചോദ്യം ചെയ്യലിന് ഹാജരാകാനാണ് നിര്‍ദേശം. നേരത്തെ രണ്ട് വട്ടം ജയസൂര്യയെ ഇ.ഡി ചോദ്യം ചെയ്തിരുന്നു. ജയസൂര്യയുടെ ഭാര്യ സരിതയുടെ മൊഴിയും കഴിഞ്ഞ ദിവസം രേഖപ്പെടുത്തിയിരുന്നു. 

സേവ് ബോക്സിന്റെ ബ്രാന്‍ഡ് അംബാസിഡറായി ജയസൂര്യക്ക് കരാര്‍ ഉണ്ടായിരുന്നതായി ഇ.ഡിക്ക് ലഭിച്ച വിവരത്തെ തുടര്‍ന്നാണ് ചോദ്യം ചെയ്യല്‍. ഓണ്‍ലൈന്‍ ലേല ആപ്പ് ആയ സേവ് ബോക്സിന്റെ പേരില്‍ വന്‍ തട്ടിപ്പ് നടന്നതായി മുമ്പ് കണ്ടെത്തിയിരുന്നു. 

സേവ് ബോക്സ് എന്ന പേരില്‍ വിവിധ ഇടങ്ങളില്‍ വ്യാപാര സ്ഥാപനങ്ങള്‍ തുടങ്ങാമെന്ന് വാഗ്ദാനം ചെയ്ത് ലക്ഷങ്ങള്‍ തട്ടിയെടുത്തെന്ന പരാതിയില്‍ സ്ഥാപന ഉടമയ്ക്കെതിരേ പൊലിസ് കേസെടുത്തിരുന്നു.

സേവ് ബോക്‌സ് ആപ്പ് നിക്ഷേപമെന്ന പേരില്‍ കോടികള്‍ തട്ടിച്ചതിന് ഇതിന്റെ ഉടമ തൃശൂര്‍ സ്വദേശി സ്വാതിഖ് റഹീമിനെ 2023 ലാണ് തൃശൂര്‍ ഈസ്റ്റ് പൊലിസ് അറസ്റ്റ് ചെയ്തത്. ഫ്രാഞ്ചൈസി നല്‍കാമെന്ന് പറഞ്ഞ് നൂറിലേറെ പേരില്‍ നിന്ന് സ്വാതിഖ് കോടികളാണ് തട്ടിയത്. ഈ പണത്തിന്റെ വിഹിതമാണ് ജയസൂര്യയ്ക്കടക്കം നല്‍കിയതെന്നാണ് ഇ.ഡിയുടെ നിഗമനം.

The Enforcement Directorate (ED) will question Malayalam actor Jayasurya again in connection with the alleged Save Box auction app fraud case. He has been asked to appear for questioning next week after being interrogated twice earlier. The ED recently recorded the statement of Jayasurya’s wife, Saritha, as part of the ongoing investigation into the financial scam.