കോഴിക്കോട്: തീവ്ര വോട്ടര്‍പട്ടിക പരിഷ്‌കരണവുമായി ബന്ധപ്പെട്ട വിവരങ്ങള്‍ ഇലക്ഷന്‍ കമ്മീഷന്റെ ആപ്പില്‍ അപ് ലോഡ് ചെയ്യുന്നതില്‍ ബിഎല്‍ഒക്ക് പിഴവ് സംഭവിച്ചതായി പരാതി. കോഴിക്കോട് കുറ്റ്യാടി പഞ്ചായത്തിലെ 106ാം ബൂത്തിലെ വോട്ടര്‍മാരാണ് പരാതിയുമായി രംഗത്തെത്തിയിരിക്കുന്നത്.

അഞ്ഞൂറോളം ആളുകളാണ് എസ്‌ഐആര്‍ പ്രകാരം പ്രസിദ്ധീകരിച്ച പട്ടികയില്‍ നിന്നു പുറത്തായിരിക്കുന്നത്. ഇതോടെ ഇവര്‍ ഹിയറിങിന് പോകേണ്ട സാഹചര്യമുണ്ടായിരിക്കുകയാണ്. എസ്‌ഐആറിന്റെ പൂരിപ്പിച്ച ഫോറം ബിഎല്‍ഒ ആപ്പില്‍ അപ്‌ലോഡ് ചെയ്യുന്നതില്‍ പിഴവ് സംഭവിച്ചതാണെന്നാണ് ആരോപണം.

ALSO READ: യാത്രക്കാരുടെ ശ്രദ്ധയ്ക്ക്; ട്രാക്കില്‍ അറ്റകുറ്റ പണികള്‍ നടക്കുന്നതിനാല്‍ ട്രെയിന്‍ സര്‍വീസുകളില്‍ മാറ്റം

 2002ല്‍ വോട്ടുണ്ടായിരുന്നവരുടെ ബന്ധുക്കളുടെ രേഖകള്‍ തെറ്റായ രീതിയില്‍ ആപ്പില്‍ അപ്‌ലോഡ് ചെയ്തുവെന്നും ഇതോടെ ഇത്രയും ആളുകള്‍ വോട്ടര്‍ പട്ടികയില്‍ നിന്നു പുറത്തായെന്നുമാണ് നാട്ടുകാരുടെ വാദം. അതേസമയം ബിഎല്‍ഒക്കെതിരെ ജില്ലാ കലക്ടര്‍ക്ക് ഉള്‍പ്പടെ പരാതി നല്‍കിയിരിക്കുകയാണ് ജനപ്രതിനിധികള്‍.

Residents of Kozhikode’s Kutyadi panchayat have complained of errors in uploading details to the Election Commission’s app during the intensive voter list revision process, allegedly by the Booth Level Officer (BLO). Voters from Booth No. 106 claim that around 500 names were excluded from the draft list published under the SIR process, forcing them to appear for hearings. The issue is alleged to have occurred due to incorrect uploading of forms and documents, including records of relatives of voters who were enrolled before 2002. Locals and elected representatives have raised the matter, and complaints have been submitted to the District Collector seeking corrective action.